USD 3.0967
EUR 3.4931
RUB 4.1048
Tbilisi
ენტონი ფაუჩი - კორონავირუსზე გამარჯვება ნაადრევია
Date : 10.11.2021 10:38  194

აშშ-ის ალერგიისა და ინფექციური დაავადებების ინსტიტუტის დირექტორის, ენტონი ფაუჩის განცხადებით, ამერიკელებს შეუძლიათ იზეიმონ ის, რომ ქვეყანაში კორონავირუსით ინფიცირების შემთხვევები შემცირდა, თუმცა კორონავირუსზე გამარჯვება ნაადრევად არ უნდა გამოაცხადონ.

”უბრალოდ ფრთხილად უნდა ვიყოთ და გამარჯვება ნაადრევად არ გამოვაცხადოთ,“- აღნიშნა ფაუჩიმ.

მისი თქმით, ჯერ კიდევ მილიონობით ადამიანი არავაქცინირებულია.

„ჩვენ ჯერ კიდევ გვყავს დაახლოებით 68 მილიონი ადამიანი, რომლებსაც არ გაუკეთებიათ აცრა. თუ არ ხართ აცრილი, დაფიქრდით იმაზე, რომ ვაქცინაციით იცავთ საკუთარ თავს, თქვენს შვილებს, თქვენს ოჯახს და საზოგადოებას,“- აღნიშნა ენტონი ფაუჩიმ.

კითხვაზე, როდის იქნებიან ვაქცინირებული მოქალაქეები პირბადეების გარეშე დახურულ სივრცეში უსაფრთხოდ, ალერგიისა და ინფექციური დაავადებების ინსტიტუტის დირექტორმა უპასუხა, რომ ამისთვის საჭიროა შემთხვევების კიდევ უფრო შემცირება.

„შემთხვევების შემცირების მიუხედავად, დაინფიცირების საშუალო დღიური მაჩვენებელი ბოლო 7 დღის განმავლობაში დაახლოებით 95 000-ია. ეს ჯერ კიდევ მაღალია. გვსურს კიდევ უფრო შემცირება. ვგულისხმობ, რომ 10 000-ს ჩამოსცდეს, ბევრად დაბლაც კი,“- აღნიშნა ფაუჩიმ.

business
ვირების ფერმა „სახედარი"- მოთხოვნა გაიზარდა, ექიმები პირდაპირ უნიშნავენ პაციენტებს ვირის რძეს

ბოლო პერიოდში საქართველოში ვირის რძეზე მოთხოვნა 40%-ით გაიზარდა, - საკითხზე ვირების ფერმა „სახედარის“ დამფუძნებელმა და ხელმძღვანელმა, თემურ ლომიძემ BM.GE-სთან ისაუბრა.

მისი თქმით, რეალიზაციის გაზრდილი მაჩვენებლების პარალელურად, კომპანიის ფინანსური მაჩვენებლებიც შეიცვალა და „სახედარი“ დღეს არსებული ხარჯის გასტუმრებას არსებული შემოსავლებით ახერხებს.

რაც შეეხება წარმოებას, როგორც თემურ ლომიძემ განმარტა, ფერმაში საშუალოდ, თვში 130 ლიტრი რძე იწარმოება.

“გასული წლის ანალოგიურ პერიოდთან შედარებით მოთხოვნა დაახლოებით 40%-ით გაიზარდა. მიუხედავად ამისა, 1 ლიტრი რძის ფასი არ გაგვიზრდია, რადგან არ გვინდა ადგილობრივებისთვის ეს მიუწვდომელი პროდუქტი იყოს. მოთხოვნისა და რეალიზაციის ზრდის შესაბამისად, კომპანია დღეს არსებული შემოსავლით ხარჯების დაფარვას ახერხებს. ჯერ მოგებაზე არ გავსულვართ, თუმცა ფინანსური მაჩვენებლები მნიშვნელოვნად გაგვიუმჯობესდა“, - აცხადებს თემურ ლომიძე და დასძენს, რომ საქართველოში ვირის რძის ცნობადობა მნიშვნელოვნად გაიზარდა.

„პანდემიის პერიოდში ქვეყანაში ვირის რძის პროდუქტის ცნობადობა მნიშვნელოვნად გაიზარდა და შესაბამისად, გაიზარდა მოთხოვნაც. ძალიან ბევრი ექიმი პაციენტებს ვირის რძეს, მისი სასარგებლო თვისებებიდან გამომდინარე, პოსტ-კოვიდურ პერიოდში პირდაპირ უნიშნავს“, - განაცხადა მან.

ვირების ფერმა „სახედარი“ ადგილობრივი ბაზრის გარდა, ვირის რძეს და მისგან ნაწარმოებ რძის ფხვნილს, ასევე კოსმეტიკურ პროდუქტებს - ტუჩსაცხს, სახის საცხსა და საპონს აშშ-ში ყიდის და მომავალში საექსპორტო ბაზრების გაფართოებაზეც მუშაობს.

See all
Survey
თქვენი აზრით ხელისუფლება კარგად მართავს კოვიდ სიტუაციას თუ არა?
Vote
By the way