,
აშშ-ის სახელმწიფო მდივანმა, ენტონი ბლინკენმა განაცხადა, რომ მიმდინარე კვირიდან დაწყებული უკრაინის წინააღმდეგ რუსეთის აგრესია სავსებით შესაძლებელია.
„მიმდინარე კვირიდან დაწყებული აგრესიის აქტი სავსებით შესაძლებელია, თუ გადავხედავთ რა ხდება უკრაინის მიმდებარე რაიონებში, სადაც რუსული ძალების განლაგებას ვხედავთ“, - აღნიშნა ენტონი ბლინკენმა France 24-თან ინტერვიუში.
აშშ-ის სახელმწიფო მდივნის თქმით, რუსეთი დღესაც იყენებს იმ ინსტრუმენტებს, რომელსაც წარსულში იყენებდა, მათ შორის პროვოკაციების განხორციელება, რათა წინასწარ დაგეგმილი ინტერვენცია გაამართლოს.
„პრეზიდენტმა პუტინმა ყველა პირობა შექმნა უკრაინის წინააღმდეგ აგრესიის განსახორციელებლად. უკრაინის გარშემო უფრო და უფრო მეტ რუსულ ძალებს ვხედავთ: 100 000-ზე მეტი ჯარისკაცი. ეს უკიდურესად შემაშფოთებელია. პრეზიდენტ პუტინისთვის ძალიან ადვილი იქნება იმის ჩვენება, რომ ის მზადაა დიპლომატიური გზისთვის. ამის დაწყება შეიძლება დეესკალაციით, უკრაინის გარშემო მყოფი ჯარების შემცირებით. რუსეთს არანაირი საფუძველი არ აქვს ასეთი ქცევისთვის. ერთადერთი ახსნა აგრესიის მორიგი აქტია“, - განაცხადა ენტონი ბლინკენმა.
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
