,
აშშ-ის სახელმწიფო მდივანი ენტონი ბლინკენი ბელარუსს მიგრანტების იარაღად გამოყენებაში ადანაშაულებს და აცხადებს, რომ ვიდრე ბელარუსი ევროპაში უსაფრთხოებას ძირს უთხრის, აშშ ბელარუსის ხელისუფლების წინააღმდეგ ზეწოლის განხორციელებას განაგრძობს.
„ვიდრე ლუკაშენკოს რეჟიმი უარს ამბობს საერთაშორისო ვალდებულებების შესრულებაზე, სანამ ის ძირს უთხრის მშვიდობასა და უსაფრთხოებას ევროპაში თავისი ქმედებებით, სანამ ის აგრძელებს იმ ადამიანების რეპრესიებს და შეურაცხყოფას, რომლებსაც თავისუფლებაში ცხოვრება სურთ, ჩვენ გავაგრძელებთ ზეწოლას ლუკაშენკოზე და მის რეჟიმზე,“- აღნიშნა ბლინკენმა.
შეგახსენებთ, პოლონეთ-ბელარუსის საზღვართან ათასობით მიგრანტია თავმოყრილი, რომელიც პოლონეთში შესვლას ცდილობს. ვარშავამ, საზღვრის უსაფრთხოების უზრუნველყოფის მიზნით, სასაზღვრო რეგიონში დამატებითი ძალები განათავსა. კერძოდ, ბელარუსის თავდაცვის მინისტრის, მარიუშ ბლაშაკის ინფორმაციით, მობილიზებულია 15 000-მდე ჯარისკაცი. ევროკავშირი ბელარუსს არალეგალი მიგრანტების წახალისებაში ადანაშაულებს, რითაც, ბლოკის მტკიცებით, ალექსანდრე ლუკაშენკოს რეჟიმი ცდილობს ევროკავშირს სამაგიერო გადაუხადოს იმ სანქციებისთვის, რომელიც მინსკს ადამიანის უფლებების დარღვევისთვის დააკისრეს.
ამერიკის შეერთებული შტატების გარეშე ნატო ქაღალდის ვეფხვია, - ამის შესახებ აშშ-ის პრეზიდენტი, დონალდ ტრამპი სოციალურ ქსელში წერს.
„შეერთებული შტატების გარეშე ნატო ქაღალდის ვეფხვია! მათ არ უნდოდათ ბრძოლაში ჩართვა ბირთვულად შეიარაღებული ირანის შესაჩერებლად. ახლა, როდესაც ბრძოლა სამხედრო ძალებით მოგებულია, მათთვის ძალიან მცირე საფრთხით, ისინი ნავთობის მაღალ ფასებზე წუწუნებენ, რომლის გადახდაც უწევთ, მაგრამ არ სურთ ჰორმუზის სრუტის გახსნაში დახმარება, მარტივ სამხედრო მანევრში, რაც ნავთობზე მაღალი ფასების ერთადერთი მიზეზია.
რამდენად მარტივია მათთვის ამის გაკეთება, ასეთი მცირე რისკით. ლაჩრები, და ჩვენ დავიმახსოვრებთ!” - წერს ტრამპი.
