,
აშშ-ს სახელმწიფო მდივანი ენტონი ბლინკენი ამტკიცებს, რომ რუსეთი სერიოზულად განიხილავდა უკრაინაში ბირთვული იარაღის გამოყენებას, თუმცა მოსკოვს ეს ჩინეთმა გადააფიქრებინა, - იუწყება The Financial Times-ი.
„შეერთებული შტატები სერიოზულად იყო შეშფოთებული იმით, რომ პუტინი ბირთვულ ვარიანტს განიხილავდა. მაშინაც კი, როდესაც ალბათობა 5-დან 15%-მდე იზრდება, და როდესაც საქმე ბირთვულ იარაღს ეხება უფრო სერიოზული არაფერია. ჩვენ გვაქვს ვარაუდის საფუძველი, რომ ჩინეთმა რუსეთს უთხრა ეს არ გაეკეთებინა. ასეთი საუბარი, სავარაუდოდ მაშინ შედგა, როდესაც აშშ-მ ჩინეთს აცნობა, რომ პუტინი ბირთვული იარაღის კოსმოსში გაშვებას გეგმავდა“, - განაცხადა ბლინკენმა FT-თან.
ირანის ხელისუფლებამ შუამავლებისგან აშშ-ის სამშვიდობო შეთანხმების პუნქტების ჩამონათვალი მიიღო, რომელთა განხილვას იწყებს. ინფორმაციას BBC ავრცელებს.
„ჩვენ შუამავლების მეშვეობით აშშ-გან მივიღეთ პუნქტები და მათ განვიხილავთ“, - ციტირებს BBC ირანის საგარეო საქმეთა სამინისტროს ერთ-ერთ მაღალჩინოსანს.
როგორც ბრიტანული ტელეარხის CBS-ზე დაყრდნობით წერს, აღნიშნული წარმოადგენს მოლაპარაკებების წინა ეტაპს და ამ მომენტისთვის დიალოგი მხარეებს შორის ჯერ არ იმართება.
ცნობისთვის, გუშინ აშშ-ის პრეზიდენტმა, დონალდ ტრამპმა განაცხადა, რომ აშშ-მა და ირანმა ომის დასრულების შესახებ მოლაპარაკებები გამართეს, თუმცა ირანული მხარე ამას უარყოფს.
