,
მომდევნო ორი კვირის განმავლობაში აშშ გამოაცხადებს, თუ როგორ გაანაწილებს ვაქცინების 80 მილიონ დოზას მსოფლიოს მასშტაბით. ამის შესახებ აშშ-ის სახელმწიფო მდივანმა, ენტონი ბლინკენმა განაცხადა.
სახელმწიფო მდივანმა აღნიშნა, რომ ჯო ბაიდენის ადმინისტრაცია ყურადღებას გაამახვილებს ვაქცინების სამართლიან განაწილებაზე და ამ პროცესს პოლიტიკურ მიმართულებას არ მისცემს.
„მომდევნო ორი კვირის განმავლობაში ჩვენ გამოვაცხადებთ პროცესს, რომლითაც ვაქცინებს გავანაწილებთ“, - აღნიშნა ენტონი ბლინკენმა.
17 მაისს აშშ-ის პრეზიდენტმა, ჯო ბაიდენმა განაცხადა, რომ აშშ სხვა ქვეყნებს ვაქცინის 80 მილიონ დოზას გაუზიარებს.
„საზღვარგარეთ ვირუსის ახალი ვარიანტების რიცხვი შეიძლება გაიზარდოს, რამაც საფრთხის წინაშე შეიძლება დაგვაყენოს. ჩვენ უნდა დავეხმაროთ მსოფლიოს ამ დაავადებასთან ბრძოლაში, რათა უსაფრთხოდ ვიყოთ“, - განაცხადა ჯო ბაიდენმა
ამერიკის შეერთებული შტატების გარეშე ნატო ქაღალდის ვეფხვია, - ამის შესახებ აშშ-ის პრეზიდენტი, დონალდ ტრამპი სოციალურ ქსელში წერს.
„შეერთებული შტატების გარეშე ნატო ქაღალდის ვეფხვია! მათ არ უნდოდათ ბრძოლაში ჩართვა ბირთვულად შეიარაღებული ირანის შესაჩერებლად. ახლა, როდესაც ბრძოლა სამხედრო ძალებით მოგებულია, მათთვის ძალიან მცირე საფრთხით, ისინი ნავთობის მაღალ ფასებზე წუწუნებენ, რომლის გადახდაც უწევთ, მაგრამ არ სურთ ჰორმუზის სრუტის გახსნაში დახმარება, მარტივ სამხედრო მანევრში, რაც ნავთობზე მაღალი ფასების ერთადერთი მიზეზია.
რამდენად მარტივია მათთვის ამის გაკეთება, ასეთი მცირე რისკით. ლაჩრები, და ჩვენ დავიმახსოვრებთ!” - წერს ტრამპი.
