,
ეკონომიკისა და მდგრადი განვითარების მინისტრი ნათია თურნავა აცხადებს, რომ მთავრობა სავალდებულო ვაქცინაციის საკითხს არ განიხილავს, თუმცა მიესალმება კომპანიების გადაწყვეტილებას, თუ ისინი აუცრელი მოქალაქეებისთვის გარკვეულ შეზღუდვებს დააწესებენ.
ასე გამოეხმაურა მინისტრი გასტრონომიის ასოციაციის აღმასრულებელი დირექტორის ლევან ქოქიაშვილის ინიციატივას. ის ამბობს, რომ სტუმარმასპინძლობის ინდუსტრიაში ძალიან მალე ყველას მოუწევს მიხვედრა, რამდენად სწორი გადაწყვეტილება მიიღეს რესტორნებმა - „შავი ლომი“, „ნინიას ბაღი“, „კაფე ლეილა“, იმ ფონზე, როცა ასეთი სისწრაფით იზრდება კოვიდინფიცირების მაჩვენებელი ქვეყანაში.
„საქართველოს მთავრობა, მოგიწოდებთ სწრაფად მიიღოთ რეგულაცია ჩვენს სექტორთან დაკავშირებით. საფრანგეთის, იტალიის, ესტონეთის და სხვა ქვეყნების მაგალითი სახეზეა. კვების დაწესებულებებში PCR-ტესტის ან კოვიდპასპორტის საფუძველზე შეშვება ყველანაირ დისკრიმინაციას გამორიცხავს და ზრდის მომხმარებლის ნდობას, უსაფრთხოების შეგრძნებას და სარესტორნე ბიზნესის სტაბილურობას”, - აცხადებდა გასტრონომიის ასოციაციის აღმასრულებელი დირექტორი.
ბიზნესიდან წამოსული ამ ინიციატივის პასუხად კი ეკონომიკის მინისტრი, ნათია თურნავა აცხადებს:
“მოგეხსენებათ, რომ ზოგიერთი ევროპული ქვეყანა მიჰყვება ე.წ ირიბი იძულების მეთოდების შემოღებას. რესტორნებეში, სასტუმროებსა და შოპინგ მოლებში აუცრელი ადამიანები ვეღარ შედიან. თუმცა ეს ისეთ ქვეყნებში ხდება, სადაც აცრის დონე და აცრილთა რაოდენობა საკმაოდ მაღალია, 60%-70%-ია და ეს შედარებით უმტკივნეულოდ ხდება იქ. ჯერჯერობით იძულების ზომებს არ განვიხილავთ, თუმცა პირადად მე მივესალმები ცალკეული ბიზნესების ინიციატივებს, რომ გახდნენ ე.წ მწვანე სტატუსის მატარებელი. საკუთარი გადაწყვეტილებით, უფლება აქვთ ობიექტის შიგნით გარკვეული რეგულაციები შემოიღონ. ამ ეტაპზე ჯერჯერობით არ განვიხილავთ."
ევროკომისიამ ვიქტორ ორბანის მმართველობის პერიოდში გაყინული 35 მილიარდი ევროს განბლოკვის მიზნით პიტერ მადიარს 27 პირობა წაუყენა, - ინფორმაციას Financial Times-ი ავრცელებს.
გამოცემის ინფორმაციით, უნგრეთის საპარლამენტო არჩევნებში გამარჯვების შემდეგ ევროკომისიამ პიტერ მადიარის პარტია „ტისასთან“ მოლაპარაკებები უკვე დაიწყო.
ევროკომისიის მიერ წამოყენებულ პირობებს შორის უნგრეთის მიერ რეფორმების განხორციელება და უკრაინასთან ურთიერთობების გაუმჯობესება შედის.
ევროპელი დიპლომატების განცხადებით, ევროკავშირის წევრი სახელმწიფოები ელიან, რომ პიტერ მადიარის მთავრობა ვიქტორ ორბანის მიერ უკრაინისთვის 90 მილიარდი ევროს სესხის გამოყოფასა და რუსეთის წინააღმდეგ სანქციების ახალ პაკეტზე დაწესებულ ვეტოს მოხსნის.
ასევე, ევროკომისიის წარმომადგენლის ცნობით, 35 მილიარდი ევრო გაყინულია უნგრეთის მოქმედი პრემიერ-მინისტრის ვიქტორ ორბანის მიერ აუცილებელ რეფორმებზე უარის, ასევე, კანონის უზენაესობის დარღვევისა და კორუფციის გაზრდის გამო.
გამოცემა წერს, რომ გაყინული თანხების განბლოკვის მიზნით უნგრეთის ახალ მთავრობას ისეთი წარსული გადაწყვეტილებების გაუქმება მოუწევს, რომლებსაც ევროკავშირი მისი წესების დარღვევად მიიჩნევს.
