,
ხელისუფლება უნდა გაუმკლავდეს ბუნტს, რომელიც ქვეყნის უსაფრთხოებასა და სტაბილურობას უშლის ხელს, - ამის შესახებ ირანის პრეზიდენტმა განაცხადა.
ხელისუფლების მხარდასაჭერად თეირანის ქუჩებში გუშინ ათასობით ადამიანი გამოვიდა. პარალელურად, ირანის დედაქალაქსა და ქვეყნის დიდ ქალაქებში მასშტაბური ანტისახელისუფლებო გამოსვლები გრძელდება, რომელსაც სამართალდამცველები ძალის გამოყენებით შლიან. ბოლო ერთი კვირის განმავლობაში ირანში საპროტესტო აქციებზე 35 ადამიანია დაღუპული.
მასობრივი საპროტესტო გამოსვლები ირანში მას შემდეგ დაიწყო, რაც ეგრეთ წოდებული ზნეობის პოლიციის მიერ ჰიჯაბის არასწორი ტარებისთვის დაკავებული 22-ი წლის მაჰსა ამინი ცემით მოკლეს.
ევროპარლამენტმა ევროკომისიის ახალი შემადგენლობა დაამტკიცა, რომელსაც კვლავ ურსულ ფონ დერ ლაიენი უხელმძღვანელებს.
დადგენილებას ევროკომისიის ახალი შემადგენლობის დამტკიცების შესახებ 370 ევროპარლამენტარმა დაუჭირა მხარი. წინააღმდეგი 282 იყო, ხოლო 36 დეპუტატმა თავი შეიკავა.
ევროკომისიის ახალ შემადგენლობაში 26 ევროკომისარი იქნება. მათ შორისაა ესტონეთის ყოფილი პრემიერ-მინისტრი კაია კალასი, რომელმაც ჟოზეფ ბორელი ჩაანაცვლა.
გაფართოების საკითხებში ევროკომისრის თანამდებობა სლოვენიის წარმომადგენელს მართა კოსს ერგო. მან ამ პოსტზე უნგრელი ოლივერ ვარჰეი ჩაანაცვლა, რომელიც ახალ ევროკომისიაში ჯანდაცვისა და ცხოველების კეთილდღეობის საკითხებს გაუწევს კურირებას.
ევროკომისია საკუთარი მოვალეობის შესრულებას 1 დეკემბრიდან შეუდგება.
