,
გაზ. სამუსლიმანო საქართველო, 1921 წლის 7 იანვარი, N498
საშობაო ნატვრა
დღეს დედა საქართველოს სარწმუნოებრივი უქმეა.
სასულიერო საქართველო იგონებს ქრისტეს შობას.
თანამედროვე ცხოვრების პირობებში ქართველი მამულიშვილთათვის და მათთან ერთად მუსლიმან ქართველებისათვის, როგორც არა ქრისტიანთათვის, დღევანდელ დღეს დიდი მნიშვნელობა არა აქვს.
საქართველოს უდიდესი ნაწილი დღევანდელ დღეს უფრო წინაპართა პატივისცემით თუ მოიგონებს, როგორც მათ ტრადიციულ უქმე დღეს.
დიდი ხანი არ არის მას შემდეგ რაც ქართველი მამულიშვილნი დღევანდელ დღეს ააშკარავებდნენ ნანატრ იდეას და საქართველოს პოლიტიკურ შობაზე უფრო ოცნებობდნენ.
დღევანდელ მამულიშვილს ესეც აღარ აქვს სანატრელი. იგი უკვე ამ ბედნიერებას ეზიარა. მაისის 26-ს მან იხილა საქართველოს პოლიტიკური შობა და ეს დღე დღესასწაულათ გაიხადა.
დღევანდელი მამულიშვილი ბედნიერია იმითაც, რომ დღეს საქართველოსთან არიან მისი უმცროსი ძმები მუსლიმანი ქართველები.
ქართველი მამულიშვილთათვის არა ნაკლებ სათაყვანო დღედ გახდება ივლისის 7. ეს ის დღეა როდესაც სამუსლიმანო საქართველო თავის დედას დაუბრუნდა.
მაგრამ არის კიდევ ერთი დღე რომლის ნატვრა ჩვეულებისამებრ შეუძლიან დღევანდელ დღეს, ქართველ მამულიშვილს.
ეს გახლავთ, დღე ევროპის მიერ საქართველოს დამოუკიდებლობის აღიარებისა იურიდიულად.
ქართველი მამულიშვილნი მოულოდნელად ელია ამ დღეს და ჩენ ვინატრიდით, რომ საქართველო მალე ასეთს პოლიტიკურ შობასაც შესწრებოდეს.
ვინატროთ ეს დღე!
ირანისკენ კიდევ ერთი მშვენიერი არმადა მიემართება, - ამის შესახებ აშშ-ის პრეზიდენტმა, დონალდ ტრამპმა აიოვას შტატში, მხარდამჭერების წინაშე სიტყვით გამოსვლისას განაცხადა.
„ივნისში, ირანის ბირთვული პოტენციალი გავანადგურეთ. ამას ხალხი 22 წელი ელოდა. მათ ბირთვულ იარაღამდე დაახლოებით ერთი თვე აშორებდათ. ეს უნდა გაგვეკეთებინა“, - განაცხადა ტრამპმა.
დონალდ ტრამპმა იმედი გამოთქვა, რომ ირანი აშშ-სთან შეთანხმებას გააფორმებს.
„ახლა ირანისკენ კიდევ ერთი მშვენიერი არმადა მიემართება. დიდი იმედი მაქვს, რომ შეთანხმებას გააფორმებენ. შეთანხმება პირველივე ჯერზე უნდა გაეფორმებინათ“, - აღნიშნა აშშ-ის პრეზიდენტმა.
ცნობისთვის, ავიამზიდ „აბრაამ ლინკოლნის“ დამრტყმელი ჯგუფი ახლო აღმოსავლეთში ორშაბათს ჩავიდა. აშშ-ის ცენტრალურმა სარდლობამ განაცხადა, რომ დამრტყმელი ჯგუფი სამხედრო მზადყოფნის შემოწმების მიზნით წვრთნებს ჩაატარებს.
ინფორმაციისთვის, აშშ-ის პრეზიდენტის, დონალდ ტრამპის განცხადებით, ირანმა აშშ-სთან ახალი ბირთვული შეთანხმება უნდა დადოს, რომლის ფარგლებშიც თეირანი ურანის გამდიდრებას ვეღარ შეძლებს. 2025 წლის გაზაფხულზე აშშ-ის პრეზიდენტმა ირანის უზენაეს ლიდერს, აიათოლა ალი ხამენეის წერილი გაუგზავნა და მოლაპარაკებებისკენ მოუწოდა. წერილის თანახმად, დონალდ ტრამპმა ირანს ორი თვე მისცა, რათა ბირთვული პროგრამა შეეჩერებინა. 2025 წლის აპრილში, ომანში აშშ-ისა და ირანის დელეგაციებს შორის მოლაპარაკებები დაიწყო, რომელიც ივნისამდე გაგრძელდა. ირანმა ბირთვული პროგრამის შეჩერების შესახებ აშშ-ის მოთხოვნას მიუღებელი უწოდა და განაცხადა, რომ აშშ-ს ახალ წინადადებას წარუდგენდა. გასული წლის 13 ივნისს ისრაელმა ირანში რამდენიმე სამხედრო ობიექტს დაარტყა, ხოლო ისრაელის იერიშების დაწყებიდან ერთი კვირის შემდეგ, აშშ-მა ირანში ბირთვული ობიექტები დაბომბა.
