,
სურსათის ეროვნული სააგენტოს უფლებამოსილმა პირებმა, ძაღლების ჰიპერპოპულაციის მართვის რეფორმის ფარგლებში დაგეგმილი ღონისძიებების საორგანიზაციო საკითხები მცხეთა-მთიანეთის მუნიციპალიტეტში ადგილობრივი ხელისუფლების წარმომადგენლებთან განიხილეს. ინფორმაციას სურსათის ეროვნული სააგენტო ავრცელებს.
შეხვედრას სურსათის ეროვნული სააგენტოს უფროსის მოადგილე მიხეილ დოლაბერიძე, ვეტერინარიის დეპარტამენტის უფროსის მოადგილე სოსო მენთეშაშვილი და სააგენტოს ვეტერინარები, მცხეთა-მთიანეთის სახელმწიფო რწმუნებულის მოადგილეები - გოჩა ქავთარაძე და თეიმურაზ ბექაური, ასევე ადგილობრივი ხელისუფლების წარმომადგენლები ესწრებოდნენ.
როგორც შეხვედრის მონაწილეებმა აღნიშნეს, პროგრამით გათვალისწინებული ღონისძიებების წარმატებით განხორციელებისათვის, სააგენტოსა და ადგილობრივი მუნიციპალიტეტების კოორდინირებულად მუშაობა უმნიშვნელოვანესია.
ძაღლების ჰიპერპოპულაციის მართვის პროგრამა რეგიონის ყველა მუნიციპალიტეტს მოიცავს და ითვალისწინებს: პატრონიანი ძაღლების ცოფის საწინააღმდეგო ვაქცინაციას, ჩიპირებას, ერთიან ბაზაში რეგისტრაციას და ძუ ძაღლების სტერილიზაციას, მიუსაფარი/მიკედლებული ძაღლების ცოფის საწინააღმდეგო ვაქცინაციას, იდენტიფიკაცია/რეგისტრაციასა და კასტრაცია/სტერილიზაციას.
ირანის ხელისუფლებამ შუამავლებისგან აშშ-ის სამშვიდობო შეთანხმების პუნქტების ჩამონათვალი მიიღო, რომელთა განხილვას იწყებს. ინფორმაციას BBC ავრცელებს.
„ჩვენ შუამავლების მეშვეობით აშშ-გან მივიღეთ პუნქტები და მათ განვიხილავთ“, - ციტირებს BBC ირანის საგარეო საქმეთა სამინისტროს ერთ-ერთ მაღალჩინოსანს.
როგორც ბრიტანული ტელეარხის CBS-ზე დაყრდნობით წერს, აღნიშნული წარმოადგენს მოლაპარაკებების წინა ეტაპს და ამ მომენტისთვის დიალოგი მხარეებს შორის ჯერ არ იმართება.
ცნობისთვის, გუშინ აშშ-ის პრეზიდენტმა, დონალდ ტრამპმა განაცხადა, რომ აშშ-მა და ირანმა ომის დასრულების შესახებ მოლაპარაკებები გამართეს, თუმცა ირანული მხარე ამას უარყოფს.
