,
აშშ-ს პრეზიდენტი დონალდ ტრამპი ჩრდილოეთ კორეის ლიდერის კიმ ჩენ ინის საჯარო გამოჩენას გამოეხმაურა.
"მე, ჩემი მხრივ, მიხარია, რომ დაბრუნდა და კარგადაა", - დაწერა აშშ-ს პრეზიდენტმა ტვიტერზე და გააზიარა ფოტოები, სადაც ჩრდილო კორეის უზენაესი ლიდერის საჯარო გამოჩენაა აღბეჭდილი.
2 მაისს ერთ-ერთმა ჩრდილო კორეულმა მედია საშუალებამ გავრცელდა ვიდეო, სადაც კიმ ჩენ ინი ესწრება ქარხნის ოფიციალურ გასხნას და წითელ ლენტასაც ჭრის. გავრცელებული ხმების საწინააღმდეგოდ, ვიდეოზე ახალგაზრდა ლიდერი ჯანმრთელად და მხნედ გამოიყურება.
შეგახსენებთ, რომ აპრილის დასაწყისში გულზე ჩატარებული ოპერაციის შემდეგ, მსოფლიო მედიაში ვრცელდებოდა ხმები კიმ ჩენ ინის გარდაცვალების შესახებ, რასაც მისმა საჯარო სივრციდან გაუჩინარებამაც შეუწყო ხელი.
ევროკომისიამ ვიქტორ ორბანის მმართველობის პერიოდში გაყინული 35 მილიარდი ევროს განბლოკვის მიზნით პიტერ მადიარს 27 პირობა წაუყენა, - ინფორმაციას Financial Times-ი ავრცელებს.
გამოცემის ინფორმაციით, უნგრეთის საპარლამენტო არჩევნებში გამარჯვების შემდეგ ევროკომისიამ პიტერ მადიარის პარტია „ტისასთან“ მოლაპარაკებები უკვე დაიწყო.
ევროკომისიის მიერ წამოყენებულ პირობებს შორის უნგრეთის მიერ რეფორმების განხორციელება და უკრაინასთან ურთიერთობების გაუმჯობესება შედის.
ევროპელი დიპლომატების განცხადებით, ევროკავშირის წევრი სახელმწიფოები ელიან, რომ პიტერ მადიარის მთავრობა ვიქტორ ორბანის მიერ უკრაინისთვის 90 მილიარდი ევროს სესხის გამოყოფასა და რუსეთის წინააღმდეგ სანქციების ახალ პაკეტზე დაწესებულ ვეტოს მოხსნის.
ასევე, ევროკომისიის წარმომადგენლის ცნობით, 35 მილიარდი ევრო გაყინულია უნგრეთის მოქმედი პრემიერ-მინისტრის ვიქტორ ორბანის მიერ აუცილებელ რეფორმებზე უარის, ასევე, კანონის უზენაესობის დარღვევისა და კორუფციის გაზრდის გამო.
გამოცემა წერს, რომ გაყინული თანხების განბლოკვის მიზნით უნგრეთის ახალ მთავრობას ისეთი წარსული გადაწყვეტილებების გაუქმება მოუწევს, რომლებსაც ევროკავშირი მისი წესების დარღვევად მიიჩნევს.
