,
აშშ-ის ყოფილმა პრეზიდენტმა, დონალდ ტრამპმა მიიღო საბოლოო გადაწყვეტილება იმასთან დაკავშირებით, იყრის თუ არა კენჭს 2024 წლის საპრეზიდენტო არჩევნებზე. ამის შესახებ მან Fox News-ის ჟურნალისტთან, შონ ჰენითისთან საუბარში განაცხადა.
„საქმე ის კი არაა, რომ მე ეს მსურს. ეს ქვეყანას სჭირდება. ჩვენ ამ ქვეყანაზე უნდა ვიზრუნოთ“, - განაცხადა თეთრი სახლის ყოფილმა ლიდერმა.
მანამდე ტრამპმს საჯაროდ არასდროს უთქვამს, აპირებს თუ არა 2024 წელს პრეზიდენტობისთვის ბრძოლას. გამოცემა Politico-ს მიერ ჩატარებული გამოკითხვის შედეგების თანახმად, „რესპუბლიკური პარტიის“ ამომრჩეველთა უმრავლესობა 2024 წლის საპრეზიდენტო არჩევნებში დონალდ ტრამპის კანდიდატურას მხარს უჭერს.
თურქეთის პარლამენტმა ბოლო მოსმენით მიიღო კანონი, რომლის თანახმადაც 15 წელს მიუღწეველ მოზარდებს სოციალურ ქსელებსა და ონლაინ პლატფორმებზე რეგისტრაცია აეკრძალებათ. ინფორმაციას Associated Press-ი ავრცელებს.
როგორც სააგენტო იუწყება, კანონი მიიღეს მას შემდეგ, რაც ერთი კვირის წინ 14 წლის მოზარდმა თურქეთის ქალაქ კაჰრამანმარაშის სკოლაში ცეცხლის გახსნა და ცხრა მოსწავლე და ერთი მასწავლებელი მოკლა.
ახალი კანონი სოციალურ ქსელებს დაავალდებულებს ასაკის შემოწმების სისტემა დანერგონ და მშობლის კონტროლი დააწესონ, აგრეთვე ოპერატიული რეაგირება მოახდინონ იმ კონტენტზე, რომელიც სახიფათოდ იქნება მიჩნეული.
სიახლე გულისხმობს იმას, რომ ისეთმა პლატფორმებმა, როგორებიცაა YouTube, TikTok, Facebook, Instagram და ა.შ., 15 წლამდე მოზარდებს რეგისტრაცია აუკრძალონ და შექმნან მშობლის კონტროლი.
