,
აშშ-ის გაზეთ Hill-ში გამოქვეყნებულია სტატია სათაურით „ნიკი ჰეილი: შეამოწმეთ 75 წლის ასაკს გადაცილებულ პოლიტიკოსთა კომპეტენციები და გონებრივი შესაძლებლობები“ (ავტორი - მაქს გრინვუდი), რომელშიც განხილულია ერთ-ერთი ამერიკელი პოლიტიკოსის, 51 წლის ნიკი ჰეილის წინასაარჩევნო მოწოდება.
„შეერთებულ შტატებს უფრო ახალგაზრდა ლიდერი ჭირდება, ვიდრე ისეთები, რომლებიც ბოლო წლებში თეთრ სახლში ცხოვრობენ და ქვეყნის ისტორიაში ყველაზე მოხუცი პრეზიდენტები არიან - დღევანდელი ჯო ბაიდენი და მისი წინამორბედი დონალდ ტრამპი. ამას აცხადებს ინდური (სიკჰური) ფესვების მქონე ნიკი ჰეილი, პრეზიდენტობის ახლადგამომცხვარი კანდიდატი, აშშ-ის ყოფილი წარმომადგენელი გაეროში, სამხრეთ კაროლინას შტატის ყოფილი გუბერნატორი.
ნიკი ჰეილმა გასულ სამშაბათს გამოაცხადა თავისი წინასაარჩევნო კამპანიის სტარტი და ინტერნეტში შესაბამისი ვიდეოც გამოაქვეყნა. იგი ამ მხრივ რესპუბლიკური პარტიის მეტ-ნაკლებად პირველი ცნობილი წევრია, რომელმაც ბრძოლაში ოფიციალურად გამოიწვია დონალდ ტრამპი და იმედი აქვს, რომ მის თანაპარტიელთა უმრავლესობა მის მიზანს მხარს დაუჭერს.
მოსალოდნელია, რომ მომავალ კვირაში ნიკი ჰეილი უკვე დაიწყებს წინასაარჩევნო შეხვედრებს აიოვასა და ნიუ-გემპშირში - პირველ ორ შტატში, სადაც რესპუბლიკური პარტიის საპრეზიდენტო კანდიდატების პირველი საკონკურსო წარდგენა მოხდება. ამიტომაც ოთხშაბათს წარმოშობით სიკჰმა ქალბატონმა ამერიკის მთავრობას მოუწოდა, რომ დაწესდეს გონებრივი და აზრობრივი შესაძლებლობების (უნარების) ტესტირება ასაკით 75 წელს გადაცილებული პოლიტიკოსებისთვის.
თავის მშობლიურ სამხრეთ კაროლინას შტატში, ქალაქ ჩალსტონში გამოსვლისას ნიკი ჰეილიმ მთელი რიგი პოლიტიკური დაპირებებეი გააჟღერა, მათ შორის - კონგრესმენების განმეორებითი არჩევის ვადების შეზღუდვა (ზოგიერთი კონგრესმენი ახალგაზრდობიდან ღრმად მოხუცებულობამდე ზის საკანონმდებლო ორგანოში), აგრეთვე ბრძოლა არალეგალური მიგრაციის წინააღმდეგ. ყოფილი გუბერნატორის აზრით, ამერიკა სამომავლოდ უარი უნდა თქვას „სამისდღეშიო მუდმივ პოლიტიკოსების პრაქტიკაზე და ხშირად უნდა განაახლოს ხელმძღვანელების შემადგენლობა“.
„ჩვენ შევზღუდავთ კონგრესის წევრობის ვადებს, ასევე აუცილებლად შემოვიღებთ ტესტებს 75 წლის ასაკს გადაცილებულ პოლიტიკოსების გონებრივი უნარების შესამოწმებლად“, - განაცხადა ნიკი ჰეილიმ, რომლის გამონათქვამებში, ექსპერტთა აზრით, საარჩევნო კამპანიის მთავარი ლოზუნგი ჩანს: „ძირი გამოუთხაროს მოქმედ პრეზიდენტს, 82 წლის ჯო ბაიდენს და მის წინამორბედს, 77 წლის თანაპარტიელ დონალდ ტრამპს, რომლებსაც პრეზიდენტობა კიდევ სურთ და 2024 წლის არჩევნებისათვის ემზადებიან“.
ნიკი ჰეილის მსგავსი მოწოდებები ორივე პარტიაში არსებული განწყობების ერთგვარ არეკვლას წარმოადგენს - ბევრ რესპუბლიკელს და დემოკრატს მიჩნია, რომ მათი ლიდერები უკვე ძალიან მოხუცები არიან პრეზიდენტის უფლებამოსილების შესასრულებლად და თეთრ სახლში საქმიანობის გასაგრძელებლად. დონალდ ტრამპის ასაკი, თუ იგი ისევ გახდება პრეზიდენტი, ინაუგურაციის დროს 78 წელი იქნება, ჯო ბაიდენი კი - 82 წლის.
დონალდ ტრამპს რომ თავი დავანებოთ, ცნობილია, რომ რესპუბლიკელებმა არაერთხელ დააყენეს ეჭვქვეშ ჯო ბაიდენის გონებრივი შესაძლებლობები, ისინი იხსენებენ ჯო ბაიდენის მართლაცდა აშკარად სასაცილო მოქმედებებსა და ქცევებს, რომელიც არ შეეფერება გამჭრიახ, ბრძენ პრეზიდენტს და რეპუტაციის შემლახველია. ანუ ეს იმას ნიშნავს, რომ პრეზიდენტები, რომლებიც მოხუცები არიან (ანუ 75 წელს გადაცილებულები), ფსიქიური მდგომარეობს გამო ნორმალურად ვერ მსჯელობენ და ვერ აზროვნებენ.
მართალია, თეორიულად ნიკი ჰეილის აქვს უფლება იყოს 2024 წლის საპრეზიდენტო კანდიდატი, მაგრამ ამისათვის მას „ეკლიანი გზის გავლა“ მოუწევს, სანამ რესპუბლიკელები მას ოფიციალურად წარადგენენ კანდიდატის სტატუსის მისაღებად.
გამოკითხვების მიხედვით, ამჟამად რესპუბლიკელების საპრეზიდენტო კანდიდატთა რეიტინგში დონალდ ტრამპი ჯერ კიდევ პირველობს, თუმცა მას კვალდაკვალ მისდევს იტალიური წარმომავლობის მქონე ფლორიდის შტატის გუბერნატორი რონ დესანტისი, რომელიც, ტრამპის პირველობის მიუხედავად, პრეზიდენტობის ყველაზე რეალურ კანდიდატად ითვლება რესპუბლიკური პარტიიდან. რაც შეეხება ნიკი ჰეილის რეიტინგს, იგი დღეისათვის მხოლოდ ერთნიშნა რიცხვით გამოიხატება, დაახლოებით 8-9%ით.
მოამზადა სიმონ კილაძემ
