აშშ-ში სპეციალისტები კორონავირუსის წინააღმდეგ ვაქცინას, სავარაუდოდ, წლის ბოლომდე შექმნიან, - განაცხადა აშშ-ის პრეზიდენტმა, დონალდ ტრამპმა ტელეკომპანია Fox News-სთვის მიცემულ ინტერვიუში.

„ჩვენ საკმაოდ დარწმუნებულნი ვართ, რომ კორონავირუსის წინააღმდეგ ვაქცინა წლის ბოლომდე გვექნება. ჩვენ აქტიურად ვმუშაობთ ამ საკითხზე. ვფიქრობ, ვაქცინა უფრო ადრე გვექნება, ვიდრე გვიან“, - განაცხადა აშშ-ის პრეზიდენტმა.

აღსანიშნავია, რომ 2 მაისს აშშ-ის ალერგიისა და ინფექციური დაავადებების ეროვნული ინსტიტუტის დირექტორმა, ენტონი ფაუჩიმ განაცხადა, რომ აშშ-ის ადმინისტრაცია იმედოვნებს, რომ კორონავირუსის წინააღმდეგ ვაქცინა 2021 წლის იანვრისთვის შეიქმნება.

ბოლო მონაცემებით, აშშ-ში კორონავირუსით ინფიცირების 1.13 მილიონი შემთხვევა დადასტურდა, ხოლო 66.5 ათასი ადამიანი კი გარდაიცვალა.