,
ამერიკულ საზოგადოებას უკრაინის კონფლიქტის დაფინანსება აღარ სურს, შეერთებული შტატები კი ჩეკების გამომწერი არ იქნება, - განაცხადა დოჰაში მიმდინარე ფორუმზე შტატების პრეზიდენტის შვილმა. დონალდ ტრამპი უმცროსი ასევე აღნიშნავს, რომ უკრაინა კორუფციული ქვეყანაა, ქვეყნის ლიდერები საზღვარგარეთიდან შესულ ფულს იპარავდნენ და ომის შეჩერება არ სურთ.
„უკრაინიდან მდიდრები გაიქცნენ, ვისაც ისინი გლეხების კლასად მიიჩნევდნენ, საბრძოლველად დატოვეს და ვერ ხედავდნენ იმის მიზეზს, თუ რატომ უნდა შეჩერებულიყო ეს ომი, რადგან ვიდრე ეს ფული შედიოდა, ისინი იპარავდნენ და არავინ ამოწმებდა რამეს. გადაწყვეტილების მიმღებებისთვის არ არსებობდა მიზეზი, რომ ოდესმე მშვიდობამდე მისულიყვნენ. ჩვენ მშვიდობა და მკვლელობების შეჩერება გვინდა“, - განაცხადა ტრამპმა უმცროსმა.
ირანის ხელისუფლებამ შუამავლებისგან აშშ-ის სამშვიდობო შეთანხმების პუნქტების ჩამონათვალი მიიღო, რომელთა განხილვას იწყებს. ინფორმაციას BBC ავრცელებს.
„ჩვენ შუამავლების მეშვეობით აშშ-გან მივიღეთ პუნქტები და მათ განვიხილავთ“, - ციტირებს BBC ირანის საგარეო საქმეთა სამინისტროს ერთ-ერთ მაღალჩინოსანს.
როგორც ბრიტანული ტელეარხის CBS-ზე დაყრდნობით წერს, აღნიშნული წარმოადგენს მოლაპარაკებების წინა ეტაპს და ამ მომენტისთვის დიალოგი მხარეებს შორის ჯერ არ იმართება.
ცნობისთვის, გუშინ აშშ-ის პრეზიდენტმა, დონალდ ტრამპმა განაცხადა, რომ აშშ-მა და ირანმა ომის დასრულების შესახებ მოლაპარაკებები გამართეს, თუმცა ირანული მხარე ამას უარყოფს.
