,
თეთრის სახლის ლიდერის განცხადებით, ვლადიმერ პუტინს და ვოლოდიმირ ზელენსკის ერთმანეთი სძულთ. დონალდ ტრამპის თქმით, რუსეთისა და უკრაინის პრეზიდენტების შეხვედრისთვის მთავარი წინაღობა სწორედ ერთმანეთის მიმართ მათი ნეგატიური დამოკიდებულებაა, რაც ომის დასრულებას ართულებს.
„7 ომი შევაჩერე - მეგონა, ესეც მარტივი იქნებოდა, მაგრამ რთული აღმოჩნდა. ზელენსკისა და პუტინს შორის არსებული სიძულვილი წარმოუდგენელია. სძულთ ერთმანეთი. ამას რამენაირად მოვაგვარებთ, მაგრამ ერთმანეთი ისე სძულთ, ვერ სუნთქავენ“, - განაცხადა ტრამპმა.
ამის მიუხედავად, პრეზიდენტი მიიჩნევს, რომ რუსეთისა და უკრაინის პრეზიდენტების შეხვედრა შეიძლება მალე გაიმართოს, თუმცა ფიქრობს, რომ შუამავლის როლის შესრულება მოუწევს.
„არ ვიცი, მგონი ლაპარაკი მე მომიწევს“, - დასძინა მან.
დასავლეთ ინდონეზიაში მატარებლების შეჯახების შედეგად სულ მცირე 14 ადამიანი დაიღუპა, ხოლო კიდევ 84 დაშავდა, - ინფორმაციას Sky News-ი ავრცელებს.
გამოცემის ცნობით, სამგზავრო მატარებლისა და შორ მანძილზე მოძრავი სამგზავრო მატარებლის შეჯახება ბეკასიში მოხდა, რომელიც ქვეყნის დედაქალაქისა და მსოფლიოში ყველაზე მჭიდროდ დასახლებული ქალაქის, ჯაკარტას აღმოსავლეთით მდებარეობს.
ქვეყნის სამძებრო-სამაშველო სააგენტოს ხელმძღვანელმა, მოჰამედ სიაფიიმ, პრესკონფერენციაზე განაცხადა, რომ სამაშველო ოპერაცია გრძელდება და რომ დამტვრეული ვაგონებიდან გადარჩენილების გამოყვანა დელიკატური პროცესია.
