,
ამერიკის შეერთებული შტატების პრეზიდენტის, დონალდ ტრამპის განცხადებით, ის ორშაბათს, 19 მაისს, ტელეფონით ჯერ პუტინს, შემდეგ კი ზელენსკის დაელაპარაკება. ამის შესახებ ტრამპი პლატფორმა Truth Social-ზე წერს.
„საუბრის თემა იქნება "სასაკლაოს" გაჩერება, რომელსაც კვირაში, საშუალოდ, 5000 რუსი და უკრაინელი სამხედროს სიცოცხლე მიაქვს, და ვაჭრობა...
იმედი მაქვს, პროდუქტიული დღე იქნება, ცეცხლი შეწყდება, და ეს ძალადობრივი ომი, რომელიც არც დაწყებულიყო, დასრულდება“, - წერს ტრამპი.
უკრაინის პრეზიდენტი ვოლოდიმირ ზელენსკი ევროპის პოლიტიკური გაერთიანების სამიტზე დასასწრებად სომხეთის დედაქალაქ ერევანში ჩავიდა, - ინფორმაციას უკრაინული მედია პრეზიდენტის პრესსპიკერზე სერგეი ნიკიფოროვზე დაყრდნობით ავრცელებს.
ნიკიფოროვის განცხადებით, იგეგმება უკრაინის პრეზიდენტის შეხვედრა ნორვეგიის, ფინეთის, გაერთიანებული სამეფოს და ჩეხეთის პრემიერ-მინისტრებთან.
პრეზიდენტის პრესსპიკერის თქმით, სამიტი ორდღიანია და შესაბამისად, ორმხრივი და მრავალმხრივი შეხვედრები ღონისძიების მეორე დღესაც გაგრძელდება.
