,
„ეს მათი ბირთვული ამბიციების დასასრულს ნიშნავდა, სულ მცირე, გარკვეული პერიოდით“, - განაცხადა ტრამპმა, ირანში სამი ძირითადი ბირთვული ობიექტის დაბომბვიდან ერთი კვირის შემდეგ.
ტრამპმა ფორდოუს მიწისქვეშა ობიექტზე საუბრისას აღნიშნა, რომ „ბომბმა გაიარა ისე, თითქოს კარაქი ყოფილიყო, თითქოს ნამდვილი კარაქი ყოფილიყო“.
მისი განცხადებით, „მთელი ადგილი უბრალოდ განადგურდა“.
აშშ-ის პრეზიდენტი ამტკიცებს, რომ ირანელებს თავდასხმამდე ფორდოუს ობიექტიდან ურანი არ გაუტანიათ.
„ვფიქრობ, თავიდან ეს ძალიან რთული იყო. ეს ძალიან საშიშია. ის ძალიან მძიმეა, ძალიან, ძალიან მძიმე. ეს ძალიან რთული საქმეა“, - დასძინა ტრამპმა.
ტრამპის თქმით, ირანს ბირთვული იარაღის შექმნამდე „კვირები აშორებდა“. მისივე თქმით, თეირანი ბირთვული პროგრამის განახლებას არ აპირებს.
„ამჟამად ყველაზე ნაკლებად, რაც სურთ, ბირთვულ იარაღზე იფიქრონ. მათ თავი უნდა დაუბრუნონ თავის მდგომარეობასა და ფორმას“.
ტრამპი ამბობს, რომ ირანის წინააღმდეგ აშშ-სა და ისრაელის კამპანიის შედეგად, მეტი ქვეყანა დაამყარებს მშვიდობას ისრაელთან.
უკრაინის პრეზიდენტი ვოლოდიმირ ზელენსკი ევროპის პოლიტიკური გაერთიანების სამიტზე დასასწრებად სომხეთის დედაქალაქ ერევანში ჩავიდა, - ინფორმაციას უკრაინული მედია პრეზიდენტის პრესსპიკერზე სერგეი ნიკიფოროვზე დაყრდნობით ავრცელებს.
ნიკიფოროვის განცხადებით, იგეგმება უკრაინის პრეზიდენტის შეხვედრა ნორვეგიის, ფინეთის, გაერთიანებული სამეფოს და ჩეხეთის პრემიერ-მინისტრებთან.
პრეზიდენტის პრესსპიკერის თქმით, სამიტი ორდღიანია და შესაბამისად, ორმხრივი და მრავალმხრივი შეხვედრები ღონისძიების მეორე დღესაც გაგრძელდება.
