USD 2.6978
EUR 2.9112
RUB 2.9177
Tbilisi
დონალდ ტრამპი: ირანი „ათასჯერ უფრო ძლიერ" პასუხს მიიღებს აშშ-ზე ნებისმიერი თავდასხმის შემთხვევაში
Date:  497

აშშ-ის პრეზიდენტი დონალდ ტრამპი აცხადებს, რომ ირანის მხრიდან ნებისმიერ თავდასხმას უფრო მძლავრი რეაქცია მოჰყვება აშშ-ის მხრიდან.

 

ტრამპის განცხადება მოჰყვა მედიით გავრცელებულ ცნობას, რომლის თანახმად, ირანი შურისძიების მიზნით გეგმავს ამერიკელ დიპლომატზე თავდასხმას გავლენიანი ირანელი გენერლის, ყასემ სოლეიმანის მკვლელობის სანაცვლოდ.

„აშშ 1000-ჯერ უფრო დიდი მასშტაბის თავდასხმას დაუპირისპირებს ირანის მხრიდან ნებისმიერი ფორმით განხორციელებულ თავდასხმას“, - დაწერა 14 სექტემბერს ტვიტერში აშშ-ის პრეზიდენტმა.

 

 

 

3 იანვარს, პრეზიდენტ ტრამპის ბრძანებით, ერაყის დედაქალაქ ბაღდადის აეროპორტთან განხორციელებული საჰაერო იერიშის შედეგად მოკლეს „ირანის ისლამური რევოლუციის გუშაგთა კორპუსის“ სპეცდანიშნულების ძალების, „ყუდსის“ სარდალი, გენერალი ყასემ სოლეიმანი.

ავტორიტეტიანი გენერლის მოკვლის პასუხად, ირანმა 8 იანვარს ბალისტიკური რაკეტები დაუშინა ერაყში მდებარე ამერიკულ სამხედრო ბაზას, რის შედეგადაც დაახლოებით 110-მა ამერიკელმა სამხედრომ მიიღო სხვადასხვა სახის ტრავმა.

დაზვერვის წყაროზე დაყრდნობით გამოცემა „პოლიტიკო“ 13 სექტემბერს იტყობინებოდა, რომ ირანი სავარაუდოდ გეგმავს პრეზიდენტ დონალდ ტრამპის მეგობარ ლანა მარკსზე თავდასხმას.

გასული წლის ოქტომბერში, პრეზიდენტი ტრამპის წარდგინებით, დიპლომატი ლანა მარკსი კონგრესმა დაამტკიცა აშშ-ის ელჩად სამხრეთ აფრიკაში.

უცნობია, შეატყობინეს თუ არა 66 წლის დიპლომატს მასზე თავდასხმის საფრთხის შესახებ.

ამასთან, „პოლიტიკოს“ ხელთ არსებული ცნობებით, ლანა მარკსი ერთ-ერთია იმ ამერიკელთა შორის, რომლებიც სოლეიმანისთვის შურისძიების მიზნით ირანის რეჟიმის სამიზნეს წარმოადგენენ.

sport
კახა კალაძე: ეს არ არის უბრალოდ გამარჯვება, ეს თარიღი საქართველოს უახლეს ისტორიაში ოქროს ასოებით იწერება

საქართველოს ფეხბურთელთა ეროვნული ნაკრების გამარჯვების შემდეგ, საქართველოს პრემიერ-მინისტრი ირაკლი კობახიძე, თბილისის მერი კახა კალაძე და ნაკრების წევრები პირველი რესპუბლიკის მოედანზე შეკრებილ გულშემატკივრებს შეუერთდნენ და გამარჯვება მათთან ერთად აღნიშნეს.

კახა კალაძემ მადლობა გადაუხადა ეროვნულ ნაკრებს და და კიდევ ერთხელ ხაზი გაუსვა პლეიოფის ფინალში გამარჯვების განსაკუთრებულ მნიშვნელობას.

„გილოცავთ! რთულია, ვისაუბრო იმაზე, თუ რამხელა გამარჯვება მოიპოვა ჩვენმა ქვეყანამ. ეს არის ის, რასაც ათეულობით წელი ველოდებოდით. ეს არ არის უბრალოდ გამარჯვება, ეს არის ისტორიის დაწერა. საქართველოს უახლეს ისტორიაში 2024 წლის 26 მარტი ოქროს ასოებით იწერება, იმიტომ, რომ ჩვენი ეროვნული ნაკრები ითამაშებს ევროპის ჩემპიონატზე“, - განაცხადა კახა კალაძემ.

დედაქალაქის მერმა მადლობა გადაუხადა ეროვნული ნაკრების გულშემატკივარსაც.

„მადლობა ყველას, ვინც მოედანზე იმყოფებოდა, ვინც სახლიდან უყურებდა ამ თამაშს. ყოველთვის, როცა ჭირდებოდა საქართველოს ეროვნულ ნაკრებს, იდექით მის გვერდში. იყო უამრავი წაგება, იყო რთული პერიოდი, მაგრამ ყოველთვის იდექით იქ, სადაც ჭირდებოდა ქართულ ფეხბურთს, ქართულ სპორტს და ამისთვის მინდა მადლობა გითხრათ თითოეულ თქვენგანს“, - მიმართა გულშემატკივრებს კახა კალაძემ.

See all
Survey
ვინ გაიმარჯვებს რუსეთ - უკრაინის ომში?
Vote
By the way