აშშ-ის პრეზიდენტმა დონალდ ტრამპმა განაცხადა, რომ ტელეარხი Fox News „CNN-ზე უარესი გახდა“.

„უქმეებზე დღისით Fox News-ის ყურება შეუძლებელი გახდა. ეს ფეიკ-ნიუსის ტელეარხ CNN-ზე უარესია. ძალიან გირჩევთ OANN-ზე გადართოთ. ისინი მართლაც სამართლიანად და დაბალანსებულად მუშაობენ“, - დაწერა ტრამპმა Twitter-ზე.

პრეზიდენტს არ დაუკონკრეტებია რამ გამოიწვია მისი უკმაყოფილება, თუმცა რამდენიმე დღის წინ მან სატელეფონო ინტერვიუ სწორედ Fox News-ს მისცა. ამ ტელეკომპანიის ჟურნალისტებთან პრეზიდენტი ყველაზე ხშირად თანამშრომლობს, რადგან CNN-ისგან Fox-ი ტრამპის და მისი ადმინისტრაციის საქმიანობას ძირითადად დადებითად აშუქებს.