,
აშშ-ის პრეზიდენტი დონალდ ტრამპი უოლტერ რიდის სამხედრო სამედიცინო ცენტრიდან სოციალურ ქსელ „ტვიტერის“მეშვეობით ვიდეომიმართვას ავრცელებს.
პრეზიდენტის თქმით, მისი მკურნალობისთვის მომდევნო რამდენიმე დღე ნამდვილი გამოცდა იქნება. ტრამპმა ასევე განაცხადა, რომ საავადმყოფოში გადასვლის მომენტში თავს არც ისე კარგად გრძნობდა, ახლა კი მისი მდგომარეობა გაცილებით უკეთესია.
„მე უნდა დავბრუნდე, რადგან ჩვენ უნდა გავხადოთ ამერიკა დიადი, ჩვენ კიდევ ძალიან ბევრი გვაქვს გასაკეთებელი. მოუთმენლად ველოდები წინასაარჩევნო კამპანიის დასრულებას ისე, როგორც ის დავიწყეთ“, – განაცხადა აშშ-ის პრეზიდენტმა.
ტრამპმა ასევე მადლობა გადაუხადა ამერიკელ ხალხს მხარდაჭერისთვის და მსოფლიო ლიდერებს თანაგრძნობისთვის.
ირანის ხელისუფლებამ შუამავლებისგან აშშ-ის სამშვიდობო შეთანხმების პუნქტების ჩამონათვალი მიიღო, რომელთა განხილვას იწყებს. ინფორმაციას BBC ავრცელებს.
„ჩვენ შუამავლების მეშვეობით აშშ-გან მივიღეთ პუნქტები და მათ განვიხილავთ“, - ციტირებს BBC ირანის საგარეო საქმეთა სამინისტროს ერთ-ერთ მაღალჩინოსანს.
როგორც ბრიტანული ტელეარხის CBS-ზე დაყრდნობით წერს, აღნიშნული წარმოადგენს მოლაპარაკებების წინა ეტაპს და ამ მომენტისთვის დიალოგი მხარეებს შორის ჯერ არ იმართება.
ცნობისთვის, გუშინ აშშ-ის პრეზიდენტმა, დონალდ ტრამპმა განაცხადა, რომ აშშ-მა და ირანმა ომის დასრულების შესახებ მოლაპარაკებები გამართეს, თუმცა ირანული მხარე ამას უარყოფს.
