,
აშშ-ის ყოფილი პრეზიდენტის, დონალდ ტრამპის განცხადებით, ქვეყანაში თავისუფალი პრესა აღარ არსებობს. მისი თქმით, აშშ-ის საზღვართან არსებულ კრიზისს მედია სათანადოდ არ აშუქებს.
„ის, რაც საზღვრებთან ხდება, სერიოზული ამბავია. მედია კი ამას ან არ აშუქებს, ან მცირე დოზით აკეთებს ამას. თუ „დემოკრატებისთვის“ რამე ცუდი ხდება, მედია ამას არ აშუქებს“, -განაცხადა ტრამპმა.
ყოფილმა პრეზიდენტმა ასეთი მედიასაშუალებების მაგალითებად ტელეკომპანიები NBC, ABC, CBS, CNN და MSNBC მოიყვანა. იქამდე კი დონალდ ტრამპმა განაცხადა, რომ საკუთარ სოციალურ ქსელს ქმნის.
მედიის ინფორმაციით, პრეზიდენტი ტრამპი სოციალურ ქსელებში ორ-სამ თვეში დაბრუნდება, თუმცა თავისი ახალი პლატფორმით, რომელიც თამაშის წესებს შეცვლის და ათობით მილიონ ადამიანს მიიზიდავს.
აღსანიშნავია, რომ პრეზიდენტობის დროს დონალდ ტრამპი Twitter-ს აქტიურად იყენებდა, თუმცა სოციალურმა ქსელმა ტრამპის განცხადებები დეზინფორმაციად ჩათვალა და ანგარიში წაუშალა. ტრამპის ანგარიში ასევე გააუქმა Facebook-მა და YouTube-მა.
ევროპარლამენტმა ევროკომისიის ახალი შემადგენლობა დაამტკიცა, რომელსაც კვლავ ურსულ ფონ დერ ლაიენი უხელმძღვანელებს.
დადგენილებას ევროკომისიის ახალი შემადგენლობის დამტკიცების შესახებ 370 ევროპარლამენტარმა დაუჭირა მხარი. წინააღმდეგი 282 იყო, ხოლო 36 დეპუტატმა თავი შეიკავა.
ევროკომისიის ახალ შემადგენლობაში 26 ევროკომისარი იქნება. მათ შორისაა ესტონეთის ყოფილი პრემიერ-მინისტრი კაია კალასი, რომელმაც ჟოზეფ ბორელი ჩაანაცვლა.
გაფართოების საკითხებში ევროკომისრის თანამდებობა სლოვენიის წარმომადგენელს მართა კოსს ერგო. მან ამ პოსტზე უნგრელი ოლივერ ვარჰეი ჩაანაცვლა, რომელიც ახალ ევროკომისიაში ჯანდაცვისა და ცხოველების კეთილდღეობის საკითხებს გაუწევს კურირებას.
ევროკომისია საკუთარი მოვალეობის შესრულებას 1 დეკემბრიდან შეუდგება.
