,
სასამართლო პროცესის შემდეგ ფლორიდაში დაბრუნებულმა ამერიკის ყოფილმა პრეზიდენტმა, დონალდ ტრამპმა მხარდამჭერებს მიმართა. მისი თქმით, ერთადერთი დანაშაული, რაც ჩაიდინა, ამერიკელი ერის დაცვა იყო მათგან, ვინც მის განადგურებას ცდილობს.
"არასდროს მიფიქრია, რომ მსგავსი რამ შეიძლებოდა მომხდარიყო ამერიკაში. ერთადერთი დანაშაული, რაც მე ჩავიდინე, იყო უშიშრად დავიცვა ჩვენი ერის მათგან, ვინც მის განადგურებას ცდილობს", - თქვა ტრამპმა.
მანამდე ტრამპს 34 მუხლით წაუყენეს ბრალი. პროკურატურა ამერიკის ყოფილ პრეზიდენტს ფინანსური დოკუმენტაციის მრავალჯერადად გაყალბებას ედავება. საქმე ეხება პორნოვარსკვლავისთვის დუმილის სანაცვლოდ ფულის გადახდას. გამოძიება ამბობს, რომ ეს მიზნად ისახავდა იმ ინფორმაციის დამალვას, რომელსაც 2016 წლის არჩევნების შედეგებზე ზეგავლენის მოხდენა შეეძლო.
ტრამპი ამტკიცებს, რომ მომავალ საპრეზიდენტო არჩევნებში მისი მონაწილეობის ჩაშლა სურთ:
"ეს ყალბი საქმე მხოლოდ 2024 წლის არჩევნებში ჩარევის მიზნით იქნა აღძრული. და ის დაუყოვნებლივ უნდა შეწყდეს".ტრამპი არცერთ ბრალში თავს დამნაშავედ არ ცნობს. მომდევნო მოსმენა 4 დეკემბერს გაიმართება.
ამერიკის შეერთებული შტატების გარეშე ნატო ქაღალდის ვეფხვია, - ამის შესახებ აშშ-ის პრეზიდენტი, დონალდ ტრამპი სოციალურ ქსელში წერს.
„შეერთებული შტატების გარეშე ნატო ქაღალდის ვეფხვია! მათ არ უნდოდათ ბრძოლაში ჩართვა ბირთვულად შეიარაღებული ირანის შესაჩერებლად. ახლა, როდესაც ბრძოლა სამხედრო ძალებით მოგებულია, მათთვის ძალიან მცირე საფრთხით, ისინი ნავთობის მაღალ ფასებზე წუწუნებენ, რომლის გადახდაც უწევთ, მაგრამ არ სურთ ჰორმუზის სრუტის გახსნაში დახმარება, მარტივ სამხედრო მანევრში, რაც ნავთობზე მაღალი ფასების ერთადერთი მიზეზია.
რამდენად მარტივია მათთვის ამის გაკეთება, ასეთი მცირე რისკით. ლაჩრები, და ჩვენ დავიმახსოვრებთ!” - წერს ტრამპი.
