,
დონალდ ტრამპ უმცროსი გრენლანდიას ეწვევა, - ამის შესახებ აშშ-ის არჩეული პრეზიდენტი, დონალდ ტრამპი სოციალურ პლატფორმა Truth Social-ზე წერს.
“გრენლანდია საოცარი ადგილია და მისი ხალხი დიდ სარგებელს მიიღებს თუ, და როდესაც, იგი ჩვენი ქვეყნის ნაწილი გახდება. ჩემი შვილი, დონ უმცროსი და სხვა წარმომადგენლები იქ გაემგზავრებიან, რათა დიდებული ადგილები და ღირსშესანიშნაობები მოინახულონ. ჩვენ მას ბოროტი გარე სამყაროსგან დავიცავთ. დავუბრუნოთ გრენლანდიას დიდება. MAGA!”, - წერს დონალდ ტრამპი.
გრენლანდიაში დონალდ ტრამპ უმცროსის ვიზიტი დანიის საგარეო საქმეთა სამინისტრომ დაადასტურა და განაცხადა, რომ ეს ვიზიტი ოფიციალური არ არის.
შეგახსენებთ, დეკემბერში აშშ-ის არჩეულმა პრეზიდენტმა, დონალდ ტრამპმა განაცხადა, რომ გრენლანდიაზე „საკუთრების უფლება და კონტროლი აშშ-სთვის აბსოლუტურ აუცილებლობას წარმოადგენს“. დონალდ ტრამპის განცხადებას გრენლანდიის პრემიერ-მინისტრი, მუტე ეგედე გამოეხმაურა და აღნიშნა, რომ გრენლანდია არ იყიდება.
