,
გადადგა თუ გაუშვეს - დიმიტრი სანაკოევმა სამხრეთ ოსეთის დროებითი ადმინისტრაციის ხელმძღვანელის პოსტი დატოვა. "ტვ პირველთან" პირველ სატელევიზიო ინტერვიუში სანაკოევი გადადგომის მიზეზებზე არ საუბრობს. მისი თქმით, თანამდებობაზე 16 წლიანი მუშაობის შემდეგ დაიღალა და უნდა წავიდეს. ის ასევე, ამბობს, რომ მის ოჯახს, რომელიც ოკუპირებული ცხინვალის რეგიონში ცხოვრობს, საფრთხე ემუქრება. "პირველების" ინფორმაციით კი, სანაკოევი პოზიციას "ქართული ოცნების" მოთხოვნით ტოვებს.
გადადგომის მოთხოვნით სანაკოევმა ირაკლი ღარიბაშვილის ადმინისტრაციას განცახდებით უკვე მიმართა.
„მე უკვე განცხადებაც დავწერე და გადავდივარ სხვაგან. 16 წელი ის არის, რომ საკმარისია, რომ რაღაცა ჩემი თავი სხვაგან ვნახო. პრემიერის აპარატს მივწერე. არ ვიცი ვინ იქნება შემცვლელლი, იმიტომ, რომ მე კონსულტაციები მე წასვლაეც არ მქონდა, ალბათ პრემიერ-მინისტრმა უნდა გადაწყვიტოს ახლა, - ამბობს დიმიტრი სანაკოევი. ოპოზიცია ფიქრობს, რომ სანაკოევს პოსტს რუსეთის მოთხოვნით ატოვებინებენ. ხელისუფლების ოპონენტების თქმით, მოსკოვს არ აწყობდამ პირი, რომელიც ქართულ-ოსურ მოლაპარაკებებში აქტიურ როლს შეასრულებდა და ხალხთა დაახლოებას შეუწყობდა ხელს.
ევროპარლამენტმა ევროკომისიის ახალი შემადგენლობა დაამტკიცა, რომელსაც კვლავ ურსულ ფონ დერ ლაიენი უხელმძღვანელებს.
დადგენილებას ევროკომისიის ახალი შემადგენლობის დამტკიცების შესახებ 370 ევროპარლამენტარმა დაუჭირა მხარი. წინააღმდეგი 282 იყო, ხოლო 36 დეპუტატმა თავი შეიკავა.
ევროკომისიის ახალ შემადგენლობაში 26 ევროკომისარი იქნება. მათ შორისაა ესტონეთის ყოფილი პრემიერ-მინისტრი კაია კალასი, რომელმაც ჟოზეფ ბორელი ჩაანაცვლა.
გაფართოების საკითხებში ევროკომისრის თანამდებობა სლოვენიის წარმომადგენელს მართა კოსს ერგო. მან ამ პოსტზე უნგრელი ოლივერ ვარჰეი ჩაანაცვლა, რომელიც ახალ ევროკომისიაში ჯანდაცვისა და ცხოველების კეთილდღეობის საკითხებს გაუწევს კურირებას.
ევროკომისია საკუთარი მოვალეობის შესრულებას 1 დეკემბრიდან შეუდგება.
