,
კონფლიქტის გაყინვის რომელიმე ვარიანტი ჩვენთვის მისაღები არ არის, - ამის შესახებ კრემლის პრესსპიკერმა, დიმიტრი პესკოვმა პრესკონფერენციაზე განაცხადა.
კრემლის პრესსპიკერი, სააგენტო Reuters-ის მიერ გავრცელებულ ინფორმაციას გამოეხმაურა, რომლის მიხედვითაც რუსეთის პრეზიდენტი, ვლადიმერ პუტინი დონალდ ტრამპთან უკრაინაში ცეცხლის შეწყვეტის შესახებ შეთანხმების განსახილველად მზად არის, მაგრამ ტერიტორიების დათმობას გამორიცხავს.
„კონფლიქტის გაყინვის რომელიმე ვარიანტი ჩვენთვის მისაღები არ არის. მნიშვნელოვანია ჩვენს მიზნებს მივაღწიოთ, რომლებიც ყველასთვის კარგად ცნობილია“, - განაცხადა დიმიტრი პესკოვმა.
მისივე თქმით, ვლადიმერ პუტინი ყოველთვის აცხადებს, რომ კონტაქტებისთვის და მოლაპარაკებებისთვის მზად არის.
18-თვიანი მოლაპარაკებების შემდეგ დამასკომ და მოსკოვმა ხელი მოაწერეს მემორანდუმს სირიაში რუსეთის ყოფნის რეორგანიზაციის შესახებ. შეთანხმების მიხედვით სამოქალაქო ობიექტები, მათ შორის ჰამეიმიმის აეროპორტი და ტარტუსის პორტის ნავმისადგომი, სირიის მართვაში გადავა, ხოლო სამხედრო ბაზები ერთობლივ საწვრთნელ ცენტრებად გარდაიქმნება.
შეთანხმება ძალაში სამი თვის განმავლობაში შევა.
