,
თბილისის მერიის გარემოს დაცვის საქალაქო სამსახურმა დიღმის მასივში, მაიაკოვსკის ძეგლის მიმდებარედ არსებული სკვერისა და კუნძულ ტექსელის სკვერის რეაბილიტაცია დაიწყო.
სკვერებში, რომელთა საერთო ფართობი 3.5 ჰექტარია, იგეგმება გარე განათებისა და ვიდეომეთვალყურეობის სისტემების, საბავშვო და სპორტული მოედნების, საფეხმავლო და საველოსიპედე ბილიკების, ცხოველთა სასეირნო სივრცისა და დასასვენებელი პავილიონების მოწყობა. ასევე, მოეწყობა სამაგიდო სათამაშო სივრცეც.
მიმდინარე სამუშაოები დედაქალაქის მერმა, კახა კალაძემ მერის მოადგილეებთან, ირაკლი ბენდელიანთან და ანდრია ბასილაიასთან ერთად დაათვალიერა.
„დავიწყეთ კიდევ ერთი მნიშვნელოვანი პროექტის განხორციელება - დიღმის მასივში, ლუბლიანას ქუჩიდან მაიაკოვსკის ძეგლამდე არსებული სივრცე მთლიანად რეაბილიტირდება. აღნიშნულ სივრცეში, რომელსაც მოსახლეობა ხშირად იყენებს, ძალიან ცუდი მდგომარეობა იყო. სივრცე, დაახლოებით, 3,5 ჰექტარია. ტერიტორიაზე დაირგვება ხე-მცენარეები, დამონტაჟდება სარწყავი და განათების სისტემები. ბავშვებისთვის მოეწყობა შესაბამისი ზონა. ადგილობრივი მოსახლეობისთვის აქ დასვენება და განტვირთვა სასიამოვნო იქნება. სამუშაოები მიმდინარე წლის ბოლომდე დასრულდება“, - განაცხადა თბილისის მერმა.
ორივე რეკრეაციულ სივრცეში დაზიანებულია მწვანე საფარი, საპარკო ინფრასტრუქტურა, ფილები და საბავშვო ატრაქციონები. გარდა ამისა, ტერიტორიაზე არსებული ავარიული და დაავადებული ხეები საჭიროებს სანიტარიული ჭრების განხორციელებას.
რეკრეაციულ ზონებში ჩატარდება გამწვანებისთვის საჭირო ყველა ღონისძიება, მოეწყობა სარწყავი სისტემა, დაითესება ბალახი და დაირგვება სხვადასხვა სახეობის ნერგები. სარეაბილიტაციო სამუშაოების ღირებულება 7 000 000 ლარს შეადგენს.
თბილისის მერთან ერთად, ადგილზე დიდუბის რაიონის გამგებელი ვლადიმერ ძნელაძე და საკრებულოს მაჟორიტარი დეპუტატი გივი ჩხარტიშვილი იმყოფებოდნენ.
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
