დიდუბის რაიონის გამგეობა დიღმის მასივის მესამე კვარტლის 39-ე კორპუსის მიმდებარედ, მოსასვენებელ სივრცეს აწყობს.
აღნიშნულ სივრცეში მოეწყობა ბილიკი, განათების სისტემა, დაიდგმება საპარკო ინვენტარი, ასევე, ტერიტორიაზე დაირგვება სხვადასხვა სახეობის ხე-მცენარე.
პროექტის ღირებულება 80 000 ლარს შეადგენს.
მიმდინარე სამუშაოებს დიდუბის რაიონის გამგებლის მოვალეობის შემსრულებელი ზურაბ უგულავა თბილისის საკრებულოს მაჟორიტარ დეპუტატ გივი ჩხარტიშვილთან ერთად გაეცნო.
