დიდუბის რაიონის გამგეობა დიღმის მასივის პირველ კვარტალში მოსასვენებელი სივრცის სრულ რეაბილიტაციას ახორციელებს.
პროექტის ფარგლებში განხორციელდა დაზიანებული ინვენტარის დემონტაჟი. ამ ეტაპზე, ეწყობა ბილიკები, მონტაჟდება განათების სისტემა, დაიდგმება პარკისთვის განკუთვნილი ინვენტარი და მოეწყობა საბავშვო სივრცე. ტერიტორიაზე, ასევე დაირგვება სხვადასხვა სახის ხე-მცენარე.
პროექტის ღირებულება 145 000 ლარს შეადგენს.
მიმდინარე სამუშაოებს დიდუბის რაიონის გამგებელი ლადო ძნელაძე, საქართველოს პარლამენტის წევრ ირმა ზავრადაშვილთან და თბილისის საკრებულოს დიდუბის მაჟორიტარ დეპუტატ გივი ჩხარტიშვილთან ერთად გაეცნო და ადგილობრივ მოსახლეობას შეხვდა.
