,
დიდუბის რაიონის გამგეობა დაზიანებული მოსასვენებელი სივრცეების რეაბილიტაციას მთელი წლის განმავლობაში აქტიურად ახორციელებს.
ამ ეტაპისთვის სარეაბილიტაციო სამუშაოები ორ მისამართზე დასრულდა.
დიღმის მასივის მეორე კვარტლის მე-19 კორპუსისა და მეხუთე კვარტლის 23-ე და 24-ე ა და ბ კორპუსების მიმდებარედ მოეწყო ბილიკები, განათების სისტემა, საბავშვო ატრაქციონების ადგილზე შეიცვალა დაზიანებული კაუჩუკი, მოეწყო საჩრდილობელი, დაზიანებული საპარკე ინვენტარი ახლით ჩანაცვლდა.
აღნიშნული სამუშაოების განსახორციელებლად, ადგილობრივი ბიუჯეტიდან 123 476 ლარი გამოიყო.
ამერიკის შეერთებული შტატების გარეშე ნატო ქაღალდის ვეფხვია, - ამის შესახებ აშშ-ის პრეზიდენტი, დონალდ ტრამპი სოციალურ ქსელში წერს.
„შეერთებული შტატების გარეშე ნატო ქაღალდის ვეფხვია! მათ არ უნდოდათ ბრძოლაში ჩართვა ბირთვულად შეიარაღებული ირანის შესაჩერებლად. ახლა, როდესაც ბრძოლა სამხედრო ძალებით მოგებულია, მათთვის ძალიან მცირე საფრთხით, ისინი ნავთობის მაღალ ფასებზე წუწუნებენ, რომლის გადახდაც უწევთ, მაგრამ არ სურთ ჰორმუზის სრუტის გახსნაში დახმარება, მარტივ სამხედრო მანევრში, რაც ნავთობზე მაღალი ფასების ერთადერთი მიზეზია.
რამდენად მარტივია მათთვის ამის გაკეთება, ასეთი მცირე რისკით. ლაჩრები, და ჩვენ დავიმახსოვრებთ!” - წერს ტრამპი.
