,
დიდუბის რაიონში დაზიანებული სპორტული მოედნების აღდგენა გრძელდება. ამ ეტაპზე, სარეაბილიტაციო სამუშაოები ოთხ სპორტულ მოედანზე დასრულდა. კედიას ქუჩის N10-ში, დიღმის მასივის მეექვსე კვარტლის 21-23 კორპუსების მიმდებარედ, ასევე, სამტრედიის ქუჩის N2ა-სა და დიღმის მასივის მესამე კვარტლის მე-8 კორპუსის მიმდებარედ არსებულ სპორტულ მოედნებზე სხვადასხვა დაზიანებები შეკეთდა. სამუშაოების ჯამურმა ღირებულებამ 46 500 ლარი შეადგინა.
ამერიკის შეერთებული შტატების გარეშე ნატო ქაღალდის ვეფხვია, - ამის შესახებ აშშ-ის პრეზიდენტი, დონალდ ტრამპი სოციალურ ქსელში წერს.
„შეერთებული შტატების გარეშე ნატო ქაღალდის ვეფხვია! მათ არ უნდოდათ ბრძოლაში ჩართვა ბირთვულად შეიარაღებული ირანის შესაჩერებლად. ახლა, როდესაც ბრძოლა სამხედრო ძალებით მოგებულია, მათთვის ძალიან მცირე საფრთხით, ისინი ნავთობის მაღალ ფასებზე წუწუნებენ, რომლის გადახდაც უწევთ, მაგრამ არ სურთ ჰორმუზის სრუტის გახსნაში დახმარება, მარტივ სამხედრო მანევრში, რაც ნავთობზე მაღალი ფასების ერთადერთი მიზეზია.
რამდენად მარტივია მათთვის ამის გაკეთება, ასეთი მცირე რისკით. ლაჩრები, და ჩვენ დავიმახსოვრებთ!” - წერს ტრამპი.
