დიდუბის რაიონის გამგეობის ორგანიზებით, მოყვარულ ჩოგბურთელთა შორის ტურნირი „დიდუბე 2023“ გაიმართა.
ტურნირი 14 დღის განმავლობაში მიმდინარეობდა და მასში 16-დან 75 წლამდე 80-ზე მეტი მოყვარული ჩოგბურთელი მონაწილეობდა.
ერთეულებში გამარჯვება ქალებში თინათინ თურმანიძემ მოიპოვა, ხოლო კაცებში გიორგი კეკელიშვილმა. შერეულ წყვილებში გამარჯვება ნინო ესებუამ და გიორგი კეკელიშვილმა მოიპოვეს, ხოლო წყვილებში ვლადიმერ და ლევან გაბრიჩიძეებმა.
ამასთან, გიორგი ელერდაშვილის სახელობის პრიზით დაჯილდოვდა მოქმედი ვეტერანი ჩოგბურთელი ფელიქს ჯანაშია.
თამაშები ალექსანდრე მეტრეველის სახელობის მზიურის კორტებზე ჩატარდა. გამარჯვებულებს დიდუბის რაიონის გამგეობისგან თასები, მედლები, სიგელები და სპორტული მაღაზიის ვაუჩერები გადაეცათ.
