დიდუბის რაიონის გამგეობამ დიდუბესა და დიღმის მასივში ორი მოსასვენებელი სივრცის მოწყობა დაასრულა.
დასრულებულ სამუშაოებს თბილისის მერის მოადგილე კახაბერ გულედანი, დიდუბის რაიონის გამგებელი ვლადიმერ ძნელაძე და თბილისის საკრებულოს დიდუბის მაჟორიტარი დეპუტატი გივი ჩხარტიშვილი გაეცნენ და ადგილობრივ მოსახლეობას შეხვდნენ.
მოსასვენებელი სივრცეები დიღმის მასივის პირველი კვარტლის მერვე კორპუსის მიმდებარედ და თევდორე მღვდლისა და თემურ ფიფიას ქუჩების კვეთაზე მოეწყო.
სკვერების ტერიტორია, ჯამში, 4 000 კვ.მ ფართობს მოიცავს. პროექტის მიხედვით დაიგო დეკორატიული ფილები, მოეწყო განათების სისტემა. სივრცეში განთავსდა საბავშვო და სპორტული ზონები, საპარკო სკამები და ურნები. ასევე, განხორციელდა გამწვანების სამუშაოები, დაირგო სხვადასხვა სახის ხე-მცენარე.
პროექტების განხორციელებისთვის ადგილობრივი ბიუჯეტიდან 541 560 ლარი გამოიყო.
