დიდუბის რაიონის ტერიტორიაზე, დიდუბესა და დიღმის მასივში გამწვანებული ტერიტორიების მოვლა-პატრონობის სამუშაოები მიმდინარეობს.
სამუშაოების ფარგლებში, გამწვანებული ტერიტორიები ითიბება, მცენარეები სარეველებისაგან სუფთავდება, ისხვლება ბუჩქები. მთელი წლის განმავლობაში რეკრეაციულ ზონებში ბალახი რამდენჯერმე გაითიბება.
გამწვანებული ტერიტორიების მოვლა-პატრონობისთვის დიდუბის რაიონის გამგეობის ბიუჯეტიდან 87 126 ლარია გამოყოფილი. სამუშაოებს ტენდერში გამარჯვებული კომპანია „პროგრეს სერვისი“ ასრულებს.
