,
,,დიდი შვიდეულის" ქვეყნების ლიდერებმა ონლაინ შეხვედრის შემდეგ, რომელსაც უკრაინის პრეზიდენტი ვოლოდიმირ ზელენსკიც ესწრებოდა, განცხადება გაავრცელეს. ამის შესახებ ინფორმაციას დასავლური მედია ავრცელებს.
,,77 წლის შემდეგ, სუვერენული ქვეყნის წინააღმდეგ, პრეზიდენტმა პუტინმა და მისმა რეჟიმმა უკრაინაში შეჭრა აირჩიეს. 2014 წლიდან, უკრაინაში შეჭრითა და ქმედებებით, რუსეთმა საერთაშორისო წესებზე დაფუძნებული წესრიგი დაარღვია, განსაკუთრებით გაერო-ს წესდება, რომელიც მეორე მსოფლიო ომის შემდეგ შეიქმნა, რათა თაობები ომის უბედურებისგან დაეცვა. დღეს ჩვენ გვქონდა პატივი, რომ უკრაინის პრეზიდენტი ვოლოდიმირ ზელენსკი შემოგვიერთდა. ჩვენ იგი ჩვენს სრულ სოლიდარობასა და უკრაინის გაბედული ბრძოლის მხარდაჭერაში დავარწმუნეთ", - ნათქვამია განცხადებაში.
როგორც განცხადებაშია ნათქვამი, ზელენსკიმ ხაზი გაუსვა იმ ფაქტს, რომ მათი მთავარი მიზანი ახლა რუსეთის სამხედრო ძალების უკრაინიდან სრულად გაყვანაა.
,,პრეზიდენტმა ზელენსკიმ ხაზი გაუსვა უკრაინის მტკიცე გადაწყვეტილებას, დაიცვას თავისი სუვერენიტეტი და ტერიტორიული მთლიანობა. მან განაცხადა, რომ უკრაინის საბოლოო მიზანია, რუსეთის სამხედრო ძალებისა და აღჭურვილობის უკრაინის მთელი ტერიტორიიდან გაყვანა უზრუნველყოს", - აღნიშნულია განცხადებაში.
განცხადებაში ნათქვამია, რომ ,,დიდი შვიდეულის" ქვეყნებმა პრეზიდენტი ზელენსკი უკრაინის დასახმარებლად მათ მზაობაში დაარწმუნეს. მათი თქმით, დახმარება სამხედრო და თავდაცვითი, კიბერ ინციდენტებისგან თავდაცვითი, ინფორმაციული უსაფრთხოების, ეკონომიკური და ა.შ. სახით იქნება. განცხადებაში აღნიშნულია, რომ ფინანსურ მხარდაჭერას ქვეყნები უახლოეს კვირებში გააგრძელებენ.
ამასთან, ,,დიდი შვიდეულის" ქვეყნებმა რუსეთის უკრაინაში შეჭრა კიდევ ერთხელ დაგმეს.
,,ჩვენ ვიმეორებთ, რომ ვგმობთ, რუსეთის არაპროვოცირებულ, გაუმართლებელ და უკანონო სამხედრო აგრესიას უკრაინის წინააღმდეგ და განურჩეველ თავდასხმებს, მშვიდობიანი მოსახლეობისა და სამოქალაქო ინფრასტრუქტურის წინააღმდეგ, რამაც ევროპის გულში საშინელი ჰუმანიტარული კატასტროფა გამოიწვია. ჩვენ, ადამიანების სიცოცხლის ფართომასშტაბიანი დაკარგვით, ადამიანის უფლებებზე თავდასხმითა და ნგრევით, რომელიც რუსეთის ქმედებებმა უკრაინას მიაყენა, შეძრწუნებულები ვართ", - ნათქვამია განცხადებაში.
,,დიდი შვიდეულის" ლიდერებმა აღნიშნეს, რომ ომის დანაშაულების გამოძიებასა და მტკიცებულებების შეგროვების ყველა მცდელობას მიესალმებიან და პარტნიორებთან ერთად მუშაობას აგრძელებენ.
სხვადასხვა სამუშაოების ჩატარების გამო 18 სექტებერს ელექტრომომარაგება დროებით შეიზღუდება
დიდუბის და ჩუღურეთის რაიონები
ქსელში გადართვების გამო 01:00 საათიდან 04:00 საათამდე შეზღუდვა შეეხება: თამარ მეფის გამზირის, წერეთლის გამზირის (ნაწილობრივ), ნორიოს აღმართის, ცაბაძის (ნაწილობრივ), ფიფიების, ვორონინის, თევდორე მღვდლის, გორის, ბათუმის, ფოთის, ბაგრატიონის, ევდოშვილის, აბასთუმნის, ჩუბინაშვილის, ფოცხვერაშვილის, გოგოლის, გროზნოს, მამრაძის, დონდუას, ქინქლაძის, ჩიტაიას, ცხრა ძმა ხერხეულიძის, თვალჭრელიძის, ცოტნე დადიანის, ართვინის, კაპანაძის, ფარავნის, მამარდაშვილის, თეთნულდის, კიკვიძის, პალიასტომის, მარუაშვილის და ზაზიშვილის ქუჩების მოსახლეობას.
გადაუდებელი სამუშაოების გამო 10:00 საათიდან 18:00 საათამდე შეზღუდვა შეეხება: გარდაბნის სანერგე მეურნეობის (ნაწილობრივ), ლოტკინის სანერგე მეურნეობის (ნაწილობრივ), რეხის დასახლების, ხაჩატურიანის, რეხის, ენუქიძის, გაბისკირიას, ყუბანეიშვილის, ჟორდანიას, თამარ და აკაკი პაპავების, ჯინჭარაძე, ლოლაძის, მახათას, ცაიშის, დადიანი-ანჩაბაძის, აგიაშვილის, ივერთუბნის, ბარაკონის, კარტოზიას, ხორნაულის, ყანჩელის, დოლიძის, გაბუნიას, ბეთაშვილის, ალავერდის, ახალი რეხის, ვალერიან კანდელაკის, მახათას, თამარ მამულაშვილის, მარინე უთმელიძის, გურამ გაბისკირიას, რაულ ეშბას, ალოიზ მიზანდარის და ანასტასია თუმანიშვილი-წერეთლის ქუჩების მოსახლეობას.
კრწანისის რაიონი
გადაუდებელი სამუშაოების გამო 10:00 საათიდან 18:00 საათამდე შეზღუდვა შეეხება: რუსთავის გზატკეცილის (ნაწილობრივ), სოფელი ფონიჭალას, ფონიჭალის დასახლების, ქვემო ფონიჭალის დასახლების, ვაგზლის, გულიკო გოდოლაძის, ევსტათი მცხეთელის, შოთა ნიშნიანიძის და სადგურის ქუჩების მოსახლეობას.
ვაკის რაიონი
ქსელში გადართვების გამო 01:00 საათიდან 04:00 საათამდე შეზღუდვა შეეხება: ილია ჭავჭავაძის გამზირის (ნაწილობრივ), მოსაშვილის, ბერძენიშვილის, დარიალის, კავსაძის და ფალიაშვილის ქუჩების მოსახლეობას.
გადაუდებელი სამუშაოების გამო 10:00 საათიდან 19:00 საათამდე შეზღუდვა შეეხება: ილია ჭავჭავაძის გამზირის (ნაწილობრივ), დიდიმ მირცხულავას, ირაკლი აბაშიძის, ფალიაშვილის, არაყიშვილის და ბაზალეთის ქუჩების მოსახლეობას.
