,
შინაგან საქმეთა სამინისტროს მიერ გავრცელებული კადრები, საკონტროლო შესყიდვის დროს არის გადაღებული.
"კოკაინი", "ალფა-პვპ", "კლეფე-დრონი" - პოლიციამ დიდი ოდენობით ნარკოტიკული ნივთიერების რეალიზაციის ბრალდებით, 38 წლის მამაკაცი დააკავა. საგამოძიებო მოქმედებების შედეგად ნივთმტკიცების სახით, სავარაუდო რეალიზაციის შედეგად მიღებული თანხაც ამოღებულია.
დაკავებულის სახლში "კურიერს" არავინ დახვდა. მომხდარის შესახებ არც მეზობლები საუბრობენ.
დაკავებული ბრალს არ აღიარებს. პროკურატურა მას ნარკოტიკული ნივთიერების უკანონო შეძენა- შენახვა-რეალიზაციას ედავება. დაცვის მხარე განმარტავს რომ წარმოდგენილი მტკიცებულებები არასაკმარისია, შესაბამისად ის გამამართლებელ განაჩენს ელოდება.
გამოძიება სისხლის სამართლის კოდექსის 260-ე მუხლით მიმდინარეობს. ბრალის დამტკიცების შემთხვევაში დაკავებულს 20 წლამდე ან უვადო თავისუფლების აღკვეთა ემუქრება.
ქვეყნის მასშტაბით, სეზონური გრიპის საწინააღმდეგო ვაქცინაცია დაიწყო - აცრა, ყველა მოქალაქისთვის, უფასოდ იქნება ხელმისაწვდომი.
ჯანდაცვის სამინისტროს ცნობით, იმუნიზაციის სახელმწიფო პროგრამის ფარგლებში, საქართველომ, 200 000 დოზა ფრანგული წარმოების, ოთხკომპონენტიანი, (SANOFI WINTHROP INDUSTRIE-ის VaxigripTetra™) სეზონური გრიპის საწინააღმდეგო ვაქცინა შეიძინა, რომელიც ერთ-ერთია ჯანმოს მიერ რეკომენდებულ ვაქცინებს შორის.
„ვაქცინა მორგებულია იმ შტამებზე, რომელთა ცირკულაცია მოსალოდნელია გრიპის სეზონზე.
განსაკუთრებით მნიშვნელოვანია ვაქცინაცია მაღალი რისკის / ქრონიკული დაავადების მქონე პირებისთვის, რადგან ზოგიერთი ადამიანისთვის გრიპი შესაძლოა სახიფათო დაავადებად იქცეს.
აცრა ვაქცინაციის სერვისის მიმწოდებელ სამედიცინო დაწესებულებებსა და პოლიკლინიკებში 6 თვის ასაკიდანაა შესაძლებელი და ბენეფიციარებისთვის სრულად უფასოა”,- აღნიშნულია ინფორმაციაში.
დაწესებულებები იხილეთ ბმულზე: https://ncdc.ge/#/pages/file/87a090e3-e8de-4d08-adaf-aaf0cb8b7128
