,
საქართველოში წინასაარჩევნო გარემოს შეფასებისას, ამერიკის შეერთებული შტატების ელჩმა საქართველოში კელი დეგნანმა განაცხადა, რომ ქვეყანაში საარჩევნო ტემპერატურის ზრდაა, თუმცა პოზიტიური მახასიათებლებიც შეინიშნება.
"წინასაარჩევნო გარემოში დამახასიათებელია ტემპერატურის ზრდა, თუმცა პოზიტიურია ის ფაქტი, რომ ბევრმა პოლიტიკურმა პარტიამ, არჩევნების შესახებ ქცევის კოდექსს ხელი მოაწერა. სასიამოვნოა, რომ ისინი, გარდა ხელის მოწერისა, პროცესებშიც არიან ჩართულები. ძალიან სამწუხარო იქნება, თუ არჩევნებზე ამომრჩეველთა მოსყიდვა და ადმინისტრაციული რესურსის არასწორად გამოყენება მოხდება. მნიშვნელოვანია, რომ ეს არჩევნები იყოს სამართლიანი, გამჭვირვალე და თავისუფალი. დიდი ინტერესია საქართველოში არჩევნებისადმი, ასევე ქვეყნის პროგრესზე, როგორც დემოკრატიის მიმართულებით, ასევე ეკონომიკის კუთხით. საქართველოს საზოგადოებას, ქვეყნის წარმატების დიდი მოლოდინი აქვს," - აცხადებს ამერიკის შეერთებული შტატების საგანგებო და სრულუფლებიანი ელჩი საქართველოში კელი დეგნანი.
18-თვიანი მოლაპარაკებების შემდეგ დამასკომ და მოსკოვმა ხელი მოაწერეს მემორანდუმს სირიაში რუსეთის ყოფნის რეორგანიზაციის შესახებ. შეთანხმების მიხედვით სამოქალაქო ობიექტები, მათ შორის ჰამეიმიმის აეროპორტი და ტარტუსის პორტის ნავმისადგომი, სირიის მართვაში გადავა, ხოლო სამხედრო ბაზები ერთობლივ საწვრთნელ ცენტრებად გარდაიქმნება.
შეთანხმება ძალაში სამი თვის განმავლობაში შევა.
