დიდი ბრიტანეთი „თალიბანს“ აფრთხილებს, რომ ავღანეთი დასავლეთის წინააღმდეგ ტერაქტების განსახორციელებლად გამოყენებული არ უნდა იყოს.

დიდი ბრიტანეთის საგარეო საქმეთა მინისტრმა, დომინიკ რააბმა განაცხადა, რომ დასავლეთი „თალიბანთან“ ურთიერთობებში პრაგმატული უნდა იყოს, ეცადოს გაიგოს, შეძლებს თუ არა ავღანეთის ახალი მმართველების შერბილებას და კიდევაც იმაში დარწმუნებას, რომ ინკლუზიურები იყვნენ.

„ჩვენი გზავნილი შემდეგია: ავღანეთი დასავლეთის წინააღმდეგ ტერორისტული თავდასხმების განსახორციელებლად გამოყენებული არ უნდა იყოს. ჩვენ 20-წლიანი წარმატება გვქონდა ამ მხრივ“, - აღნიშნა დომინიკ რააბმა.