,
ცეცხლის შეწყვეტა მუდმივი უნდა იყოს, წინააღმდეგ შემთხვევაში რუსეთი კვლავ დაბრუნდება, - ამის შესახებ დიდი ბრიტანეთის პრემიერ-მინისტრმა, კირ სტარმერმა განაცხადა.
„ცეცხლის შეწყვეტის შეთანხმება ისეთი პირობებით უნდა მოხდეს, რომელსაც ყველა მხარე დაეთანხმება, მათ შორის უკრაინა და ეს ხანგრძლივი ცეცხლის შეწყვეტის შეთანხმება უნდა იყოს“, - განაცხადა კირ სტარმერმა.
მისი თქმით, რუსეთი უპირობო ცეცხლის შეწყვეტას უნდა დათანხმდეს.
„გადაწყვეტილებები უკრაინამ უნდა მიიღოს და არა სხვა ადამიანებმა უკრაინის სახელით. არ მინდა დროებითი ცეცხლის შეწყვეტის შეთანხმება ვნახო, რადგან ეს რუსეთს შესაძლებლობას მისცემს მომავალში კვლავ დაბრუნდეს. ეს მათ ადრეც გაუკეთებიათ და დარწმუნებული ვარ, რომ ისევ გააკეთებენ“, - აღნიშნა დიდი ბრიტანეთის პრემიერ-მინისტრმა.
ირანის ხელისუფლებამ შუამავლებისგან აშშ-ის სამშვიდობო შეთანხმების პუნქტების ჩამონათვალი მიიღო, რომელთა განხილვას იწყებს. ინფორმაციას BBC ავრცელებს.
„ჩვენ შუამავლების მეშვეობით აშშ-გან მივიღეთ პუნქტები და მათ განვიხილავთ“, - ციტირებს BBC ირანის საგარეო საქმეთა სამინისტროს ერთ-ერთ მაღალჩინოსანს.
როგორც ბრიტანული ტელეარხის CBS-ზე დაყრდნობით წერს, აღნიშნული წარმოადგენს მოლაპარაკებების წინა ეტაპს და ამ მომენტისთვის დიალოგი მხარეებს შორის ჯერ არ იმართება.
ცნობისთვის, გუშინ აშშ-ის პრეზიდენტმა, დონალდ ტრამპმა განაცხადა, რომ აშშ-მა და ირანმა ომის დასრულების შესახებ მოლაპარაკებები გამართეს, თუმცა ირანული მხარე ამას უარყოფს.
