,
კოვიდ -19-ის ახალი შტამი, რის გამოც, დიდი ბრიტანეთის მთავრობას მოუწია სადღესასწაულო პერიოდის განმავლობაში ლონდონში და სამხრეთ-აღმოსავლეთ ინგლისში ე.წ. მე -4 „ლოქდაუნის“ დაწესება, "კონტროლს არ ექვემდებარება", - ამის შესახებ დიდი ბრიტანეთის ჯანდაცვის მინისტრმა მეთ ჰენკოკმა განაცხადა.
ჰენკოკმა თქვა, რომ ახალი ვარიანტის კონტროლი უნდა მოხდეს.
მისივე თქმით, აღნიშნულის გაკეთების საშუალებაა სოციალური კონტაქტების შემცირება, განსაკუთრებით, მე-4 შეზღუდვის დონის რაიონებში.
კითხვაზე, რომელიც მე-4 საფეხურის შეზღუდვების ვადებს ეხებოდა მინისტრმა უპასუხა: ”იმის გათვალისწინებით, თუ რამდენად სწრაფად ვრცელდება ეს ახალი ვარიანტი, ძალიან ძნელი იქნება მისი კონტროლი, სანამ ვაქცინა არ გამოვა".
”ჩვენ სხვადასხვა ზომები გვაქვს, მათი უმეტესობა გვჭირდება ახალი ვარიანტის გავრცელების გასაკონტროლებლად, ვიდრე ძველის", - დასძინა მან.
დიდი ბრიტანეთის პრემიერ-მინისტრმა ბორის ჯონსონმა გაერთიანებული სამეფოს 16 მილიონი მოსახლისთვის „ლოქდაუნის“ შემოიღო და უარი თქვა საშობაოდ რეგულაციების გამარტივებაზე, რაც დაკავშირებულია კორონავირუსის ახალი შტამის გავრცელებასთან, რომელიც 70 %-ით უფრო მეტად გადამდებია, ვიდრე არსებული კოვიდ-19.
ცნობისთვის, ჯანდაცვის მსოფლიო ორგანიზაციის (WHO) ინფორმაცით, იგი ”მჭიდრო კავშირშია” გაერთიანებული სამეფოს ოფიციალურ წარმომადგენლებთან კორონავირუსის ახალი ვარიანტის გაჩენის გამო. მათივე ცნობით, ვირუსის ახალი ვარიანტი უფრო სწრაფად ვრცელდება, მაგრამ არ ითვლება, რომ ის უფრო მომაკვდინებელია.
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
