,
2 ივლისს ლონდონის სასამართლომ უარი განუცხადა ვენესუელას, მისი კუთვნილი $1 მილიარდი დოლარის ღირებულების ოქროს ზოდების დაბრუნებაზე, რომელიც ინგლისის ბანკში ინახება.
აღნიშნული გადაწყვეტილება მოსამართლემ იმით აიხსნება, რომ გაერთიანებული სამეფო არ აღიარებს ნიკოლას მადუროს ვენესუელის პრეზიდენტად - იუწყება გამომცემლობა Evening Express-ი.
მოსამართლემ განაცხადა, რომ - "მისი უდიდებულესობის მთავრობა მხოლოდ გუაიდოს აღიარებს ვენესუელის პრეზიდენტად".
ვენესუელის ოქროს საკითხი დღის წესრიგში მას შემდეგ დადგა, რაც ვენესუელის ცენტრალურმა ბანკმა, „ Banco Central de Venezuela“-მ დაიწყო ლეგალური ქმედებების განხორციელება ქვეყანაში ოქროს დაბრუნებასთან დაკავშირებით. ფინანსთა სამინისტროს განზრახული ჰქონდა ოქროს გაყიდვა, რათა კორონავირუსით შექმნილ მძიმე ეკონომიკურ კრიზისს გამკლავებოდნენ ფინანსურად
ევროკომისიამ ვიქტორ ორბანის მმართველობის პერიოდში გაყინული 35 მილიარდი ევროს განბლოკვის მიზნით პიტერ მადიარს 27 პირობა წაუყენა, - ინფორმაციას Financial Times-ი ავრცელებს.
გამოცემის ინფორმაციით, უნგრეთის საპარლამენტო არჩევნებში გამარჯვების შემდეგ ევროკომისიამ პიტერ მადიარის პარტია „ტისასთან“ მოლაპარაკებები უკვე დაიწყო.
ევროკომისიის მიერ წამოყენებულ პირობებს შორის უნგრეთის მიერ რეფორმების განხორციელება და უკრაინასთან ურთიერთობების გაუმჯობესება შედის.
ევროპელი დიპლომატების განცხადებით, ევროკავშირის წევრი სახელმწიფოები ელიან, რომ პიტერ მადიარის მთავრობა ვიქტორ ორბანის მიერ უკრაინისთვის 90 მილიარდი ევროს სესხის გამოყოფასა და რუსეთის წინააღმდეგ სანქციების ახალ პაკეტზე დაწესებულ ვეტოს მოხსნის.
ასევე, ევროკომისიის წარმომადგენლის ცნობით, 35 მილიარდი ევრო გაყინულია უნგრეთის მოქმედი პრემიერ-მინისტრის ვიქტორ ორბანის მიერ აუცილებელ რეფორმებზე უარის, ასევე, კანონის უზენაესობის დარღვევისა და კორუფციის გაზრდის გამო.
გამოცემა წერს, რომ გაყინული თანხების განბლოკვის მიზნით უნგრეთის ახალ მთავრობას ისეთი წარსული გადაწყვეტილებების გაუქმება მოუწევს, რომლებსაც ევროკავშირი მისი წესების დარღვევად მიიჩნევს.
