USD 2.7503
EUR 3.1249
RUB 3.3429
Тбилиси
დიდ დიღომში მულტიფუნქციური ცენტრის სამშენებლო სამუშაოები მიმდინარეობს
дата:  924

თბილისის საკრებულოს თავმჯდომარე გიორგი ტყემალაძე და საკრებულოს წევრები დიდ დიღომში მულტიფუნქციური ცენტრის სამშენებლო სამუშაოებს გაეცნენ. გასვლითი შეხვედრა სპორტისა და ახალგაზრდულ საქმეთა კომისიის ინიციატივით გაიმართა. საკრებულოს წარმომადგენლებთან ერთად, სპორტული ინფრასტრუქტურის მიმდინარე სამშენებლო სამუშაოები  თბილისის მერიის კულტურის, განათლების, სპორტისა და ახალგაზრდულ საქმეთა საქალაქო სამსახურის უფროსმა ირაკლი გვილავამ, საქართველოს ძალოსნობის ეროვნული ფედერაციის პრეზიდენტმა კახი კახიაშვილმა, ძალოსნობის ეროვნული ნაკრების მთავარმა მწვრთნელმა, ოლიმპიურმა  ჩემპიონმა გიორგი ასანიძემ და ამავე ნაკრების წევრმა, ევროპის,  მსოფლიო და ოლიმპიურმა ჩემპიონმა ლაშა ტალახაძემ დაათვალიერეს.

როგორც  თბილისის საკრებულოს თავმჯდომარემ გიორგი ტყემალაძემ განაცხადა, შეხვედრის მიზანი, სპორტის ცნობილ წარმომადგენლებთან ერთად,  სპორტული ინფრასტრუქტურის მიმდინარე სამშენებლო სამუშაოების მონახულება და ცენტრის სამომავლო ფუნქციონირების სპეციფიკის გაცნობა იყო.

 „მულტიფუნქციური ცენტრი, რომლის მშენებლობაც ახლა დიდ დიღომში მიმდინარეობს შეიძლება ითქვას, რომ უნიკალურია.  სამშენებლო სამუშაოების დასრულების შემდეგ, კომპლექსით სარგებლობა არა მარტო დიდი დიღმის, არამედ  მთელი თბილისის მოსახლეობას შეეძლება. დარწმუნებული ვარ, რომ აღნიშნული ცენტრი ახალგაზრდებისა და მომავალი სპორტსმენებისთვის მთავარი თავშეყრის ადგილი გახდება.  ჩვენთან ერთად, აქ დღეს ძალოსნობის ფედერაციის წარმომადგენლები და ჩვენი სახელოვანი სპორტსმენები იმყოფებოდნენ, რომლებსაც დიდი მადლობა მინდა გადავხადო აქტიური ჩართულობისთვის“- განაცხადა გიორგი ტყემალაძემ.

 აღნიშნული ცენტრის მშენებლობა 2019 წელს დაიწყო და მისი დასრულება შემოდგომაზე იგეგმება. თბილისის საკრებულოს სპორტისა და ახალგაზრდულ საქმეთა კომისიის თავმჯდომარის გიორგი ჩაკვეტაძის თქმით, თბილისის მერია ამ პროექტის განხორციელებით ადგილობრივ მოსახლეობას ყველა სერვისს სთავაზობს, რაც ცხოვრების ჯანსაღი წესის პოპულარიზაციისთვის აუცილებელია.

 „დიდი დიღმის მულტიფუნქციური ცენტრის მშენებლობის მიმდინარეობა დღეს ჩვენს სახელოვან სპორტსმენებთან ერთად დავათვალიერეთ. ცენტრი, რომლის გახსნაც შემოდგომაზე იგეგმება, ადგილობრივი მოსახლეობის ინტერესებს მოემსახურება. მულტიფუნქციურ კომპლექსში  სპორტული, კულტურული და ახალგაზრდული სივრცეები ამოქმედდება, რაც ჩვენი ახალგაზრდა თაობის ჯანსაღი ცხოვრებით დაინტერესებას შეუწყობს ხელს“- განაცხადა გიორგი ჩაკვეტაძემ.

 დიდი დიღმის მულტიფუნქციური ცენტრის მნიშვნელობასა და სერვისებზე თბილისის საკრებულოს საბურთალოს რაიონის მაჟორიტარმა დეპუტატმა ავთანდილ ცინცაძემაც ისაუბრა. მისი თქმით, მულტიფუნქციური ცენტრი სპორტულ დარბაზებს, სხვადასხვა სპორტულ სექციებს, საცურაო აუზებს, ბიბლიოთეკას, სახელოვნებო სკოლას და კიდევ მრავალ სხვა სპორტულ, თუ  შემოქმედებით წრეებს გააერთიანებს.  მისივე თქმით, ცენტრი როგორც დიდი დიღმის, ისე მთელი თბილისის  მცხოვრებლებს მოემსახურება. საკრებულოს მაჟორიტარი წევრის განმარტებით, მნიშვნელოვანია, რომ მომავალი თაობა ცხოვრების ჯანსაღი წესით მაქსიმალურად დაკავდეს.

 „მოგეხსენებათ, რომ ჩვენი ხელისუფლების ერთ-ერთი მთავარი მიზანი  ცხოვრების ჯანსაღი წესის პოპულარიზაციაა, რისთვისაც დედაქალაქის მერია არაერთ წარმატებულ პროექტს ახორციელებს. მულტიფუნქციური ცენტრის მშენებლობა ძალიან მნიშვნელოვანია, როგორც კონკრეტულად ამ რაიონისთვის, ისე მთელი თბილისისთვის. დარწმუნებული ვარ, რომ  აღნიშნული ცენტრი ბევრ სახელოვან სპორტსმენს გაზრდის“- განაცხადა ავთანდილ ცინცაძემ.

 თბილისის საკრებულოს საბურთალოს რაიონის მაჟორიტარმა დეპუტატმა ყველა იმ ადამიანს, ვისაც  ამ მნიშვნელოვანი პროექტის განხორციელებაში  საკუთარი წვლილი შეაქვს, მადლობა გადაუხადა.

 დიდი დიღმის მულტიფუნქციური ცენტრის მშენებლობის დასრულება  2021 წლის შემოდგომაზე იგეგმება. მულტიფუნქციურ ცენტრში ფეხბურთის, ფრენბურთის, კალათბურთის, სპორტული ორთაბრძოლების და ტანვარჯიშის სპორტული დარბაზები განთავსდება. ასევე, მოეწყობა კრივის რინგი და გაიხსნება ძიუდოს, ჭიდაობისა და კარატეს სექციები. გარდა ამისა, ცენტრში ტრენაჟორების სივრცე და ფიტნეს დარბაზი, ორი საცურაო აუზი, მულტიფუნქციური ბიბლიოთეკა, სახელოვნებო სკოლა, ბოულინგისა და სამაგიდო თამაშების სივრცე, ასევე, საკონფერენციო დარბაზი, კაფე, სპორტული ინვენტარის მაღაზია და მიწისქვეშა პარკინგი განთავსდება.

культура
კულტურის სამინისტრომ დათო დოიაშვილი თეატრის ხელმძღვანელის თანამდებობიდან გაათავისუფლა

კულტურის სამინისტრომ დავით დოიაშვილი “ვასო აბაშიძის სახელობის მუსიკისა და დრამის თეატრის” ხელმძღვანელის თანამდებობიდან გაათავისუფლა. შესაბამის განცხადებას საქართველოს კულტურის სამინისტრო ავრცელებს.

კულტურის სამინისტრო გადაწყვეტილების მიზეზებს განმარტავს და აცხადებს, რომ სამინისტროს მხრიდან "არაერთგზის გაფრთხილების" მიუხედავად, “ვასო აბაშიძის სახელობის მუსიკალური კომედიისა და დრამის პროფესიული სახელმწიფო თეატრის” ხელმძღვანელობა სადამფუძნებლო მიზნებით გათვალისწინებულ "ვალდებულებას არ ასრულებდა", ხოლო თეატრში შემოქმედებითი პროცესი თვეების მანძილზე შეჩერებული იყო.

“ვასო აბაშიძის სახელობის მუსიკალური კომედიისა და დრამის პროფესიული სახელმწიფო თეატრი” არის სახელმწიფოს მიერ დაფუძნებული საჯარო სამართლის იურიდიული პირი.

სახელმწიფო პროფესიული თეატრი, ისევე, როგორც ნებისმიერი სხვა სსიპ-ი ანგარიშვალდებულია და აქვს კანონით დაკისრებული მოვალეობა, აღასრულოს მიზნები, რისთვისაც სახელმწიფომ დააფუძნა.

კერძოდ, თეატრში შემოქმედებითი საქმიანობა უნდა ხორციელდებოდეს ისევე უწყვეტად, როგორც სახელმწიფო ბიუჯეტიდან მისი დაფინანსება ხორციელდება.

საქართველოს კულტურის სამინისტროს მხრიდან არაერთგზის გაფრთხილების მიუხედავად, სამწუხაროდ, “ვასო აბაშიძის სახელობის მუსიკალური კომედიისა და დრამის პროფესიული სახელმწიფო თეატრის” ხელმძღვანელობა სადამფუძნებლო მიზნებით გათვალისწინებულ ამ ვალდებულებას არ ასრულებდა. სახელმწიფო ბიუჯეტიდან მიღებული უწყვეტი დაფინანსების პირობებში, თეატრში შემოქმედებითი პროცესი თვეების მანძილზე შეჩერებული იყო.

აქედან გამომდინარე, კულტურის სამინისტრომ, როგორც სსიპ “ვასო აბაშიძის სახელობის მუსიკისა და დრამის თეატრის” დამფუძნებელმა უწყებამ, მიიღო კანონისმიერი გადაწყვეტილება, სსიპ-ის უწყვეტ და გამართულ ფუნქციონირებაზე პასუხისმგებელი პირის, თეატრის ხელმძღვანელის, დავით დოიაშვილის თანამდებობიდან გათავისუფლების შესახებ”, - აღნიშნულია განცხადებაში.

более
голосование
ვინ გაიმარჯვებს რუსეთ - უკრაინის ომში?
голосование
Кстати