დიდ დიღომში, მარკო პოლოს ქუჩაზე საგზაო სამუშაოები სრულდება.
საბურთალოს რაიონის გამგეობის ინფრასტრუქტურული პროექტის ფარგლებში, საერთო ჯამში, 7 000 კვ. მ. ფართობზე ასფალტის ორფერიანი საფარი იგება.
აღნიშნულ ტერიტორიაზე მოსახლეობას გრუნტიან გზაზე გადაადგილება უწევდა, საგზაო სამუშაოების დასრულების შემდეგ კი, მცხოვრებლები კეთილმოწყობილი ინფრასტრუქტურით ისარგებლებენ.
საგზაო სამუშაოებს, საბურთალოს რაიონის გამგეობის კონტრაქტორი კომპანია „ელიზი“ ახორციელებს.
