,
გაერთიანებულ სამეფოში რუსეთის ელჩი ალექსეი ნავალნის მოწამვლასთან დაკავშირებით საგარეო უწყებაში დაიბარეს, - ამის შესახებ გაერთიანებული სამეფოს საგარეო საქმეთა მინისტრი დომინიკ რააბი სოციალურ ქსელ „ტვიტერში“ წერს.
„დღეს დიდმა ბრიტანეთმა რუსეთის ელჩი გამოიძახა, იმისთვის რომ ალექსეი ნავალნის მოწამვლის გამო ღრმა შეშფოთება დაფიქსირდეს. სრულიად მიუღებელია, ის ფაქტი, რომ აკრძალული ქიმიური იარაღი იქნა გამოყენებული და რუსეთმა უნდა ჩაატაროს სრული, გამჭვირვალე გამოძიება”, - წერს რააბი.
"მოვისმინე, რომ ალექსეი ნავალნი გამოიყვანეს მედიცინაში გამოწვეული კომიდან. იმედი მაქვს, რომ მისი მდგომარეობა კიდევ უფრო გაუმჯობესდება", - დასძინა დომინიკ რააბმა.
მისივე თქმით, ინფორმაცია ნავალნის კომიდან გამოყვანის შესახებ სანუგეშოა და იმედი აქვს, პოლიტიკოსის მდგომარეობა გაუმჯობესდება.
„შვების მომგვრელია ინფორმაცია იმის შესხებ, რომ ნავალნი კომიდან გამოიყვანეს. იმედი მაქვს, მისი მდგომარეობა კიდევ უფრო გაუმჯობესდება,“- წერს რააბი.
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
