,
თბილისში დეზერტირების ბაზრის ტერიტორიაზე ახალი სავაჭრო ცენტრის მშენებლობა არის დაგეგმილი - შესაბამისი განაცხადით მერიის არქიტექტურის სამსახურს კომპანია “თბილისი მოლმა” უკვე მიმართა.
პროექტის მიხედვით, შენობა 17.5 მეტრის იქნება და მასში ორი სართული განთავსდება. განაშენიანების საერთო ფართობი 17,994 კვადრატულ მეტრს შეადგენს.
მერიის არქიტექტურის სამსახურის ვებგვერდზე გამოქვეყნებული ინფორმაციის თანახმად, კომპანიის განაცხადზე პასუხი 2023 წლის 10 თებერვალს იქნება.
დეზერტირების ბაზრობა CBS ჯგუფის საკუთრებას წარმოადგენს. კომპანიის 26%-იან წილს ბიზნესმენი ხვიჩა მაქაცარია ფლობს. ბიზნეს რეესტრის ამონაწერის მიხედვით, კომპანიის 20%-იანი წილის მფლობელია ლაერტ ზუბადალაშვილი; 44%-ის ბრიტანეთის ვირჯინიის კუნძულებზე რეგისტრირებული ჰოლდექს ინტერსეილს კორპი, ხოლო 10%-ს ფიზიკური პირი ილონა მეტრეველი.
დასავლეთ ინდონეზიაში მატარებლების შეჯახების შედეგად სულ მცირე 14 ადამიანი დაიღუპა, ხოლო კიდევ 84 დაშავდა, - ინფორმაციას Sky News-ი ავრცელებს.
გამოცემის ცნობით, სამგზავრო მატარებლისა და შორ მანძილზე მოძრავი სამგზავრო მატარებლის შეჯახება ბეკასიში მოხდა, რომელიც ქვეყნის დედაქალაქისა და მსოფლიოში ყველაზე მჭიდროდ დასახლებული ქალაქის, ჯაკარტას აღმოსავლეთით მდებარეობს.
ქვეყნის სამძებრო-სამაშველო სააგენტოს ხელმძღვანელმა, მოჰამედ სიაფიიმ, პრესკონფერენციაზე განაცხადა, რომ სამაშველო ოპერაცია გრძელდება და რომ დამტვრეული ვაგონებიდან გადარჩენილების გამოყვანა დელიკატური პროცესია.
