ეკონომიკის ექსპერტი დემურ გიორხელიძე საკუთარ ფეისბუკ გვერდზე უკრაინის მოვლენების შესახებ წერს და აღნიშნავს, რომ "უკრაინას ვერაფერი უშველის, მთელი დასავლეთის არმია ერთად რომ ჩავიდეს უკრაინაში, - არაფერი უშველის!". ასევ ის მიმართავს იმ ქართველებს, ვინც მისი აზრით "იდეოლოგიამ 140 წლის წინანდელ ტოტალიტარისტ რევოლუციონერებს დაამსგავსა"
გთავაზობთ დემურ გიორხალიძის სტატუსს უცვლელად:
"ძალიან ყრუების, უტვინოების, გაუნათლებლების, ვითომ "დასავლური ორიენტაციის" უზრდელების, არაფრისმცოდნეებისა და არაფრის გამგებლების საყურადღებოდ!
საოცარი ქვეყანა გვაქვს, -ეს ქვეყანა სახელმწიფოდ იქცა ტექტონიკური ხასიათის გეოპოლიტიკური ძვრების შედეგად, - 32 წლის წინათ!
ახლა ანალოგიური ხასიათის ძვრებია!
ახლა სახელმწიფოს შენარჩუნება და მოვლა უნდა!
თან სწორი, საღი და პრაგმატული პოლიტიკაა საჭირო!
უკრაინის ტრაგედია სახეზეა, - ნორმალური ადამიანისთვის ეს ტრაგედია მძიმე ასატანია!
გაიგონეთ, - არსად გავრბივარ!
ყველას დაგელაპარაკებით, როცა დასრულდება ეს დიდი მოვლენები და დაპირისპირება!
უკრაინას ვერაფერი უშველის, მთელი დასავლეთის არმია ერთად რომ ჩავიდეს უკრაინაში, - არაფერი უშველის!
განადგურდება არა მხოლოდ ბრძოლისუნარიანი ნებისმიერი უკრაინული ნაწილი, არამედ, განადგურდება ათიათასობით უცხოელი მეომარი, რომელთაგან ნაწილი დაქირავებულია, ნაწილი კი გადაცმული ნატოს ქვეყნების ჯარისკაცი!
რა ტანკები და თვითმფრინავებიც უნდა მიაწოდონ უკრაინას, - ეს არაფერს შეცვლის!
არაფერს!
თქვენც საქართველოს შვილები ხართ, - მაგრამ საქართველო ფეხებზე გკიდიათ, - რომ არ გეკიდოთ, მის სადღაც შეტანვაზე არ გაიგიჟებდით თავს.
ჩემი "ლანძღვა", რასაც აკეთებთ, - არაფერს მოგცეთ, რადგან სხვადასხვა წონით კატეგორიებში ვართ და თანაც, სხვადასხვა კოორდინატთა სისტემაში: მე ჩემი ქვეყნა მინდა, მისი კულტურა, მისი ნიჭიერი ხალხი, განსაკუთრებით ახალგაზრდობა, რომლის მცირე ნაწილი, თქვენი სახით, იდეოლოგიამ 140 წლის წინანდელ ტოტალიტარისტ რევოლუციონერებს დაამსგავსა!
ასე, რომ ძალიან ყურადღებით იკითხეთ, რასაც ვწერ და გაიაზრეთ! უზრდელობას და უტვინობას კი მოეშვით, - განადგურებული წარმოდგენების წინაშე დარჩებით!
უკვე ამ გზაზე ხართ!
ეს მძიმე გადასატანი იქნება თქვენთვის.
არადა, ამ ქვეყანას ყველა ადამიანი სჭირდება!
გასაგებია?!
წყარო: დემურ გიორხელიძე
გლობალური ფინანსური ქსოვილი სხვადასხვა ტიპის კომპანიების ურთიერთქმედებაზე დგას. ფინანსურ ეკოსისტემაში ვხვდებით, როგორც ბანკებს, ასევე ნეობანკებს და ფინტექ-კომპანიებს, საპენსიო ფონდებს, საგადახდო სერვისების მიმწოდებელ ორგანიზაციებს, კერძო კაპიტალის მმართველებს, ჰეჯ-ფონდებსა და აქტივების მმართველ კომპანიებს. აი, სწორედ ამ ბოლო კატეგორიას განეკუთვნება ამერიკული BlackRock-ი, რომელიც სხვა ადამიანებისა და კომპანიების აქტივებს მართავს, ანუ მარტივად რომ ვთქვათ, ინვესტიციას მათ ნაცვლად დებს. გამართული ბიზნესმოდელის გარდა, ამერიკულ კორპორაციას მაღალი რეპუტაცია, ინვესტორებისთვის ფინანსური სარგებლის გენერირების დეკადების განმავლობაში დამტკიცებული შედეგები და პლანეტარული მასშტაბის კავშირები გამოარჩევს.
ამ ყველაფრის დამსახურებით, BlackRock-ი პლანეტის უდიდეს აქტივების მმართველ კომპანიად იქცა, რომლის პორტფელი, ბოლო შედეგებით, $10.5 ტრილიონად იყო შეფასებული. 2024 წლის პირველი კვარტალის ფინანსური ანგარიშის თანახმად, გასულ ერთ წელიწადში, ამერიკულმა კორპორაციამ აქტივების ზომა $1.4 ტრილიონით გაზარდა. ამ თანხის მასშტაბს რომ მიხვდეთ, გეტყვით, რომ მექსიკის მთლიანი შიდა პროდუქტი სწორედ $1.4 ტრილიონია, როცა ესპანეთის, ინდონეზიის და საუდის არაბეთის - ნაკლები. თუმცა BlackRock-ის ჯამური აქტივების ზომა უფრო შთამბეჭდავია, რადგან ამ მაჩვენებელს ქვეყნების მშპ-სთან თუ შევაფარდებთ, აღმოვაჩენთ, რომ მას მხოლოდ ამერიკის შეერთებული შტატები და ჩინეთი უსწრებს.
რა შემოსავალს და წმინდა მოგებას აგენერირებს BlackRock-ი $10.5 ტრილიონად შეფასებული აქტივების მართვით?
2024 წლის I კვარტალში, BlackRock-მა $4.7 მილიარდის შემოსავალი მიიღო, რაც 11%-ით მეტია, ვიდრე შარშან. შემოსავალთან ერთად, ბოლო პერიოდში მკვეთრად, კერძოდ 36%-ითაა გაზრდილი კომპანიის წმინდა მოგება, რომელმაც მიმდინარე წლის პირველ სამ თვეში $1.5 მილიარდი შეადგინა. აღნიშნულ მაჩვენებლებს, უმეტესწილად, ის ფინანსური ინსტრუმენტები აგენერირებენ, რომელთაც BlackRock-ის პორტფელში ვხვდებით - აქ იგულისხმება, როგორც კომპანიების კაპიტალი, ანუ აქციები, ასევე ფიზიკური აქტივები, მათ შორის უძრავი ქონება.
აქციების კუთხით, BlackRock-ის აქტივებს შორის ყველაზე დიდი წილი მსოფლიოს უდიდეს ტექნოლოგიურ, ფარმაკოლოგიურ და ფინანსურ კომპანიებზე მოდის. BlackRock-ის აქციების პორტფელის ათი უდიდესი პოზიცია კი, შემდეგნაირად გამოიყურება:
#1 - Microsoft - $229.7 მილიარდად შეფასებული 542.02 მილიონი აქცია (BlackRock-ის პორტფელის 5.37%)
#2 - Apple - $178.4 მილიარდად შეფასებული 1.04 მილიარდი აქცია (BlackRock-ის პორტფელის 4.17%)
#3 - NVIDIA - $164.66 მილიარდად შეფასებული 182.42 მილიონი აქცია (BlackRock-ის პორტფელის 3.85%)
#4- Amazon - $115.18 მილიარდად შეფასებული 638.54 მილიონი აქცია (BlackRock-ის პორტფელის 2.69%)
#5 - META - $77.18 მილიარდად შეფასებული 158.94 მილიონი აქცია (BlackRock-ის პორტფელის 1.8%)
#6 - Alphabet (Class A) - $62.77 მილიარდად შეფასებული 415.9 მილიონი აქცია (BlackRock-ის პორტფელის 1.47%)
#7 - Alphabet (Class C) - $54.11 მილიარდად შეფასებული 355.37 მილიონი აქცია (BlackRock-ის პორტფელის 1.27%)
#8 - Eli Lilly - $50.78 მილიარდად შეფასებული 65.27 მილიონი აქცია (BlackRock-ის პორტფელის 1.19%)
#9 - Broadcom - $46.27 მილიარდად შეფასებული 34.91 მილიონი აქცია (BlackRock-ის პორტფელის 1.08%)
#10 - Berkshire Hathaway (Class B) - $45.21 მილიარდად შეფასებული 107.51 მილიონი აქცია (BlackRock-ის პორტფელის 1.06%)
წყარო:https://bm.ge/