USD 2.7084
EUR 2.9337
RUB 2.9233
თბილისი
დელისზე მრავალფუნქციური კომპლექსის მშენებლობა იგეგმება - ვის ეკუთვნის მორიგი მცდელობა?
თარიღი:  639

დელისის მეტროს მიმდებარედ მრავალფუნქციური კომპლექსის მშენებლობის პროექტი დღის წესრიგში დაბრუნდა. კომპლექსის გეგმარებითი დავალება საკრებულოსთან უკვე შეთანხმდა.

პროექტის მიხედვით, პროფკავშირების ტერიტორიაზე მრავალბინიანი საცხოვრებელი, კომერციული და სხვა ტიპის დაწესებულებების მოწყობა განიხილება.

პროექტის დამკვეთი კომპანია “დელისი დეველოპმენტია”, რომელიც როგორც ირკვევა, ტერიტორიის მესაკუთრეებს მის განვითარებაში ეხმარება. შპს “დელისი დეველოპმენტის” 70%-იან წილს გიორგი ყავლაშვილი, ხოლო 30%-იან წილს ისრაელის მოქალაქე იოჰანან ელიგულა ფლობს.

როგორც შპს დელისი დეველოპმენტის 70%-იანი წილის მფლობელი გიორგი ყავლაშვილი აცხადებს, ამ ეტაპზე გეგმარებით დავალება შეთანხმებულია, თუმცა მას შემდეგ რაც განაშენიანების რეგულირების გეგმა შეთანხმდება, გადაწყდება უშუალოდ ფართის მესაკუთრეები განახორციელებენ პროექტში ინვესტიციას თუ ახალი ინვესტორის მოძიება გახდება საჭირო.

“ვცდილობთ, რომ ამ სიტუაციაში დავადგინოთ რა მოცულობის შენობების აშენების შესაძლებლობა არსებობს. მერიის სამსახურიდან ვარკვევთ რა პერსპექტივის მიღება არის შესაძლებელი აღნიშნული მიწის ნაკვეთზე.

მხოლოდ ამის შემდეგ გაირკვევა ინვესტირების საკითხი. ის, თუ ვინ შეიძლება იყოს ინვესტორი, რა თქმა უნდა, "ნიბა ინვესტი", თუ აიღებს ამას თავის თავზე ბუნებრივია "ნიბა ინვესტი" იქნება ან ნებისმიერი სხვა, რომელზეც თავად მესაკუთრეები შეთანხმდებიან. ნებისმიერი მესაკუთრის ინტერესს უნდა წარმოადგენდეს ამ მშენებლობის განხორციელება. ჩვენ ამას ვუწყობთ ხელს.” - აცხადებს “დელისი დეველოპმენტის” მეწილე გიორგი ყავლაშვილი.

დელისის მეტროს მიმდებარე ტერიტორიის განვითარების მცდელობა ჯერ კიდევ 2008 წელს დაიწყო. მაშინ ტერიტორიაზე მრავალფუნქციური კომპლექსის მშენებლობა კომპანია "ნიბა ინვესტს" და ბიზნესმენ ბაკურ კიღურაძეს სურდა, თუმცა პროექტი, რომელიც 2008 წელს დაიწყო, 2 წელიწადში შეჩერდა.

როგორც ირკვევა აღნიშნული ტერიტორიის ნაწილს ისევ ფლობს კომპანია შპს “დელისი”, რომლის წილის მფლობელი “ნიბა ინვესტია”.

როგორც “ნიბა ინვესტის” მეწილე ბაკურ კიღურაძე BM.GE-თან აცხადებს, ის პროექტის განხორციელებას ამჯერად “დელისი დეველოპმენტთან” ერთად ცდილობს. მისი თქმით, პროექტის სავარაუდო საინვესტიციო მოცულობა 20 მილიონი დოლარია.

“ერთ-ერთი პარტნიორია შპს დელისი დეველოპმენტი. უცხო, ახალი ვინმე არ შემოდის პროექტში. ჩვენს კომპანიას ძირითადად ჰქონდა საპროექტო ნაწილი და ჩვენ პასუხისმგებლები ვიყავით პროექტირებაზე, მართვაზე.

მართვიდან გამოვედით, თუმცა პროექტის მთავარი არქიტექტორი ისევ ვარ. დაახლოებით 20 მილიონი დოლარის ინვესტიციაზეა საუბარი. რაც შეეხება ვადებს, მშენებლობას დაახლოებით 2.5 წელი დასჭირდება. თუმცა მანამდე საჭიროა პროექტის შეთანხმება.”-აცხადებს შპს დელისის სამეთვალყურეო საბჭოს წევრი ბაკურ კიღურაძე.

რაც შეეხება პროექტის დეტალებს, რომელიც ამ ეტაპზეა ცნობილი, წარმოდგენილი გეგმარებითი დავალების მიხედვით, ტერიტორიაზე არსებული შენობების დემონტაჟი უნდა მოხდეს, მათ შორის პროფკავშირების შენობის. თუმცა დაგეგმილია "პროფკავშირების" შენობაზე არსებული მოზაიკის შენარჩუნება და მისი ერთ-ერთ საპროექტო ობიექტზე მოწყობა.

ასევე აღნიშნულ ნაკვეთებზე სპეციალური ზონალური ნებართვის ფარგლებში მოხდება საცხოვრებელი ფუნქციის გადამეტება 75 პროცენტამდე, დამკვეთი კი ამის სანაცვლოდ თანახმაა შესაბამის მაკომპენსირებელ ღონისძიებებზე.

ამ ეტაპზე საკრებულომ აღნიშნული პროექტის გეგმარებით დავალებას დადებითი შეფასება მისცა. შემდეგი ეტაპი, უკვე უშუალოდ გრგ-ს შეთანხმებაა, რომელზეც დასტურსაც კომპანიაში 2 თვის ვადაში ელოდებიან

სპორტი
კახა კალაძე: ეს არ არის უბრალოდ გამარჯვება, ეს თარიღი საქართველოს უახლეს ისტორიაში ოქროს ასოებით იწერება

საქართველოს ფეხბურთელთა ეროვნული ნაკრების გამარჯვების შემდეგ, საქართველოს პრემიერ-მინისტრი ირაკლი კობახიძე, თბილისის მერი კახა კალაძე და ნაკრების წევრები პირველი რესპუბლიკის მოედანზე შეკრებილ გულშემატკივრებს შეუერთდნენ და გამარჯვება მათთან ერთად აღნიშნეს.

კახა კალაძემ მადლობა გადაუხადა ეროვნულ ნაკრებს და და კიდევ ერთხელ ხაზი გაუსვა პლეიოფის ფინალში გამარჯვების განსაკუთრებულ მნიშვნელობას.

„გილოცავთ! რთულია, ვისაუბრო იმაზე, თუ რამხელა გამარჯვება მოიპოვა ჩვენმა ქვეყანამ. ეს არის ის, რასაც ათეულობით წელი ველოდებოდით. ეს არ არის უბრალოდ გამარჯვება, ეს არის ისტორიის დაწერა. საქართველოს უახლეს ისტორიაში 2024 წლის 26 მარტი ოქროს ასოებით იწერება, იმიტომ, რომ ჩვენი ეროვნული ნაკრები ითამაშებს ევროპის ჩემპიონატზე“, - განაცხადა კახა კალაძემ.

დედაქალაქის მერმა მადლობა გადაუხადა ეროვნული ნაკრების გულშემატკივარსაც.

„მადლობა ყველას, ვინც მოედანზე იმყოფებოდა, ვინც სახლიდან უყურებდა ამ თამაშს. ყოველთვის, როცა ჭირდებოდა საქართველოს ეროვნულ ნაკრებს, იდექით მის გვერდში. იყო უამრავი წაგება, იყო რთული პერიოდი, მაგრამ ყოველთვის იდექით იქ, სადაც ჭირდებოდა ქართულ ფეხბურთს, ქართულ სპორტს და ამისთვის მინდა მადლობა გითხრათ თითოეულ თქვენგანს“, - მიმართა გულშემატკივრებს კახა კალაძემ.

სრულად
გამოკითხვა
ვინ გაიმარჯვებს რუსეთ - უკრაინის ომში?
ხმის მიცემა
სხვათა შორის

მსოფლიოს ისტორიაში, უდიდესი იმპერიები ტერიტორიით(მლნ კვ. კმ): ბრიტანეთი - 35.5 მონღოლეთი - 24.0 რუსეთი - 22.8 ქინგის დინასტია (ჩინეთი) - 14.7 ესპანეთი - 13.7 ხანის დინასტია (ჩინეთი) - 12.5 საფრანგეთი - 11.5 არაბეთი - 11.1 იუანების დინასტია (ჩინეთი) - 11.0 ხიონგნუ - 9.0 ბრაზილია - 8.337 იაპონია - ~8.0 იბერიული კავშირი - 7.1 მინგის დინასტია (ჩინეთი) - 6.5 რაშიდუნების ხალიფატი (არაბეთი) - 6.4 პირველი თურქული სახანო - 6.0 ოქროს ურდო - 6.0 აქემენიანთა ირანი - 5.5 პორტუგალია - 5.5 ტანგის დინასტია (ჩინეთი) - 5.4 მაკედონია - 5.2 ოსმალეთი - 5.2 ჩრდილო იუანის დინასტია (მონღოლეთი) - 5.0 რომის იმპერია - 5.0

Ford, საავტომობილო ბაზრის დომინანტი მაშინ, როდესაც საავტომობილო ბაზარი ჯერ კიდევ ჩამოყალიბების პროცესში იყო, Ford Model T იყო დომინანტი მანქანა. 1916 წლის მონაცემებით, ის მსოფლიოში ყველა ავტომობილის 55%-ს შეადგენდა.

ილია ჭავჭავაძე: "როცა პრუსიამ წაართვა საფრანგეთს ელზასი და ლოტარინგია და პარლამენტში ჩამოვარდა საუბარი მასზედ, თუ რაგვარი მმართველობა მივცეთო ამ ახლად დაჭერილს ქვეყნებს, ბისმარკმა აი, რა სთქვა: ,,ჩვენი საქმე ელზასსა და ლოტარინგიაში თვითმმართველობის განძლიერება უნდა იყოსო. ადგილობრივნი საზოგადოების კრებანი უნდა დავაწყოთო ადგილობრივის მმართველობისთვისაო. ამ კრებათაგან უფრო უკეთ გვეცოდინება იმ ქვეყნების საჭიროება, ვიდრე პრუსიის მოხელეთაგანა. ადგილობრივთა მცხოვრებთაგან ამორჩეულნი და დაყენებულნი მოხელენი ჩვენთვის არავითარს შიშს არ მოასწავებენ. ჩვენგან დანიშნული მოხელე კი მათთვის უცხო კაცი იქნება და ერთი ურიგო რამ ქცევა უცხო კაცისა უკმაყოფილებას ჩამოაგდებს და ეგ მთავრობის განზრახვასა და სურვილს არ ეთანხმება. მე უფრო ისა მგონია, რომ მათგან ამორჩეულნი მოხელენი უფრო ცოტას გვავნებენ, ვიდრე ჩვენივე პრუსიის მოხელენი”. თუ იმისთანა კაცი, როგორც ბისმარკი, რომელიც თავისუფლების დიდი მომხრე მაინდამაინც არ არის, ისე იღვწოდა თვითმმართველობისათვის, მერე იმ ქვეყნების შესახებ, რომელთაც გერმანიის მორჩილება არამც თუ უნდოდათ, არამედ ეთაკილებოდათ, თუ ამისთანა რკინის გულისა და მარჯვენის კაცი, როგორც ბისმარკი, სხვა გზით ვერ ახერხებდა ურჩის ხალხის გულის მოგებას, თუ არ თვითმმართველობის მინიჭებითა, სხვას რაღა ეთქმის."

დედამიწაზე არსებული ცოცხალი არსებებიდან მხოლოდ ადამიანს და კოალას აქვთ თითის ანაბეჭდი

ინდოელი დიასახლისები მსოფლიო ოქროს მარაგის 11% ფლობენ. ეს უფრო მეტია, ვიდრე აშშ-ს, სავალუტო ფონდის, შვეიცარიის და გერმანიის მფლობელობაში არსებული ოქრო, ერთად აღებული.

დადგენილია, რომ სასოფლო-სამეურნეო კულტურათა მოსავლიანობის განმსაზღვრელ კომპლექსურ პირობათა შორის, ერთ-ერთი თესლის ხარისხია. მაღალხარისხოვანი ჯიშიანი თესლი ერთ-ერთი მნიშვნელოვანი ფაქტორია მოსავლიანობის გასადიდებლად, რაც აგრეთვე დასაბუთებულია ხალხური სიბრძნით "რასაც დასთეს, იმას მოიმკი". - ქართული გენეტიკისა და სელექცია–მეთესლეობის სკოლის ერთ-ერთი ფუძემდებელი, მეცნიერებათა დოქტორი, აკადემიკოსი პეტრე ნასყიდაშვილი

ებოლა, SARS-ი, ცოფი, MERS-ი, დიდი ალბათობით ახალი კორონავირუსი COVID-19-იც, ყველა ამ ვირუსული დაავადების გავრცელება ღამურას უკავშირდება.

ყველაზე დიდი ეპიდემია კაცობრიობის ისტორიაში იყო ე.წ. "ესპანკა" (H1N1), რომელსაც 1918-1919 წლებში მიახლოებით 100 მილიონი ადამიანის სიცოცხლე შეეწირა, ანუ დედამიწის მოსახლეობის 5,3 %.

იცით თუ არა, რომ მონაკოს ნაციონალური ორკესტრი უფრო დიდია, ვიდრე ქვეყნის არმია.