,
ბრიტანული გაზეთის „დეილი მეილის“ (Daily Mail) ვებ-გვერდზე გამოქვეყნებულია სტატია სათაურით „რუსულო საჰაერო ხომალდო, „იდი ნა ...“ // თბილისში რუს ტურისტებს ქართველები საპროტესტო აქციით დახვდნენ და კუნძულ ზმეინის დამცველი უკრაინელი გმირების ნათქვამს იმეორებენ“ (ავტორები - დევიდ ეივერი და უილ სტიუარტი).
რუს ტურისტებს ქართველები ხაზგასმულად ცივად და საპროტესტო აქციით შეხვდნენ, როცა რუსული ავიაკომპანიის „აზიმუტის“ თვითმფრინავი თბილისში დაეშვა, პირველად ოთხი წლის შემდეგ, ორ ქვეყანას შორის ავიამიმოსვლის აკრძალვის დროიდან.
საქართველოს მთავრობა მიესალმა რუსეთის სამგზავრო ავიაკომპანიების პირდაპირი რეისების განახლებას საქართველოში, რომლებიც 2019 წელს პრეზიდენტ ვლადიმერ პუტინის ბრძანებით შეჩერდა და რომლებიც რუსეთის მეთაურმა 15 მაისს მოულოდნელად განაახლა.
ამას წინათ საქართველოს სამოქალაქო ავიაციის სააგენტომ, ოპოზიციის პროტესტის მიუხედავად, ნება დაერთო ზოგიერთ რუსულ ავიაკომპანიას ყოველდღიური რეისების შესრულების თაობაზე, მოსკოვიდან თბილისში და პირიქით. მთავრობა აცხადებს, რომ ავიამიმოსვლის განახლება მომგებიანი იქნება იმ ეთნიკური ქართველებისათვის რომლებიც საზღვრის მეორე მხარეს, რუსეთში ცხოვრობენ და საქმიანობენ.
თბილისის აეროპორტში საპროტესტო აქციის მონაწილეებს ხელში პლაკატები ეჭირათ, რომელზეც გამოსახული იყო ფრაზა - „რუსულო საჰაერო ხომალდო, „იდი ნა ...“. ზოგიერთებს დინამიკები ჰქონდათ და მუდმივად იმეორებდნენ იმ გამონათქვამს, რომლითაც კუნძულ ზმენის დამცველმა უკრაინელმა მებრძოლებმა რუსულ სამხედრო ხომალდს უპასუხეს, როცა რუსებმა მათ ტყვედ ჩაბარების ულტიმატუმი წაუყენეს.
ირაკლი კობახიძის - მმართველი პარტიის „ქართული ოცნების“ ლიდერის მტკიცებით, რეგულარული სამგზავრო ავიამიმოსვლის განახლება რუსეთიდან მნიშვნელოვნად შეამცირებს იმ ქართველების ხარჯებს, რომლებსაც რუსეთში სამუშაოდ ან ნათესავების სანახავად წასვლა სურთ. მისი თქმით, ქვეყნის ხელისუფლებას ამ საკითხის მიმართ „ფრთხილი და პრაგმატული მიდგომა“ აქვს. თუმცა, ამის მიუხედავად, მას მწვავედ აკრიტიკებენ, რომ არ გმობს რუსეთის დანაშაულებრივ ქმედებას უკრაინაში. ბევრი ქართველი აღნიშნავს, რომ მმართველი პარტია „პირდაპირ საბოტაჟს ეწევა“ ქვეყნის ევროპული ინტერგრაციის მიმართ.
ოპოზიციურად განწყობილ პოლიტიკოსებს ეჭვი აქვთ, რომ ფრენების აღდგენა საშუალებას მისცემთ რუს ჩინოვნიკებს და ბიზნესმენებს გვერდი აუარონ დასავლურ სანქციებს. მათ დემონსტრაციულად განაცხადეს, ქართველ ხალხს ევროპა აქვს არჩეული და არა რუსეთი.
მართალია, აეროპორთან გამართული აქცია ზოგადად მშვიდი იყო, მაგრამ როცა ანტირუსული მტრული ატმოსფერომ გამწვავება დაიწყო, პოლიციამ ექვსი ადამიანი დააკავა.
ქართველი ჟურნალისტები თვითმფრინავიდან გადმოსულ რუს ტურისტებს აეროპორტის დარბაზში დახვდნენ. ერთ-ერთმა ჯურნალისტმა რუს მგზავრ ქალს ეკითხება; „იცით თუ არა თქვენ, რომ რუსეთი ოკუპანტია?“. ქალი ამბობს, რომ კომენტარს არ გააკეთებს. ჯურნალისტი არ ეშვება და ისევ ეკითხება. „მე აქ დასასვენებლად ჩამოვედი“, - მორიდებულად პასუხობს რუსი მგზავრი.
ანტირუსული საპროტესტო აქცია ჩატარდა თბილისის ცენტრში, პირველი რესპუბლიკის მოედანზეც, სადაც დინამიკებიდან ჩვეული ფრაზა - „რუსულო ხომალდო, „იდი ნა ...“ გაისმოდა.
რუსეთის დამპყრობლური ომი უკრაინაში ქართველებისათვის უცხო არ არის - ვლადიმერ პუტინის უკრაინაში შეჭრის წინამძღვრები ჯერ კიდევ 2008 წელს გახდა ცნობილი, როცა რუსებმა აფხაზეთ/სამხრეთ ოსეთის სეპარატისტულ რეგიონებში ქართული არმია სროლებში ჩაითრიეს. ამ ფაქტმა რუსეთის ხელმძღვანელობას სტიმული მისცა საქართველოში სამხედრო ზალა გამოეყენებინა. ქართული არმია დამარცხდა და რუსეთმა საქართველოს ორივე სეპარატისტული რეგიონი დამოუკიდებლად აღიარა.
საქართველო აფხაზეთს და სამხრეთ ოსეთს თავის ტერიტორიად თვლის, იგივე პოზიცია აქვს საერთაშორისო საზოგადოებასაც, რომელიც საქართველოს ტერიტორიის 20%-ს რუსეთის მიერ ოკუპირებულად მიიჩნევს
ამასობაში კი რუსეთის ათი ათასობით მოქალაქემ, ვლადიმერ პუტინის მიერ უკრაინის წინააღმდეგ დაწყებული ომის ფონზე, თავი აარიდა ჯარში გაწვევას და შეიარაღებულ ძალებში მობილიზებას. მათ სამშობლოში თავიანთი სახლები დატოვეს და თავშესაფარი საქართველოში ჰპოვეს. (წყარო: https://www.dailymail.co.uk/news/article-12102957/Russian-tourists-met-furious-protesters-Tbilisi-flights-Georgia-resume.html).
შენიშვნა: ამ თემაზე სტატია გამოქვეყნდა აგრეთვე გაზეთ „ინდეფენდენთის“ (The Independent) ვებ-გვერდზეც სათაურით „რუსეთი ტერორისტული სახელმწიფოა“ - ქართველების პროტესტი მოსკოვთან ავიამიმოსვლის განახლების გამო“ (ავტორი - ოლივერ პრიჩარდ-ჯონსი).
აშშ-ის ჯერ კიდევ მოქმედი პრეზიდენტი ჯო ბაიდენი თავისი ბოლო გადაწყვეტილებებით ჩქარობს, რომ უკრაინის პოზიციები შეძლებისდაგვარად განამტკიცოს, სანამ არჩეული პრეზიდენტი დონალდ ტრამპი თავის უფლებამოსილებას ოფიციალურად მიიღებს და კიევს და მოსკოვს სამშვიდობო მოლაპარაკებისაკენ უბიძგებს“, - ნათქვამია ამერიკულ გაზეთ „ვაშინგტონ პოსტში“ (The Washington Post) გამოქვეყნებულ სტატიაში სათაურით „ჯო ბაიდენი ჩქარობს უკრაინის პოზიციები განამტკიცოს, სანამ დონალდ ტრამპი თანამდებობრივი ფუნქციების შესრულებას შეუდგება“ (ავტორები - იასმინ აბუთალიბი, მაიკლ ბირნბაუმი და ელენ ფრენსისი).
გთავაზობთ ვრცელი პუბლიკაციის მოკლე შინაარსს:
ჯო ბაიდენმა თავისი ადრინდელი პოზიცია შეცვალა და ნება დართო პენტაგონს უკრაინას ქვეითთა საწინააღმდეგო ნაღმებია მიაწოდოს, რათა კიევის პოზიციები განამტკიცოს. უფრო ადრე აშშ-ის პრეზიდენტმა უკრაინას უფლება მისცა ამერიკული რაკეტების გამოყენებაზე რუსეთის ტერიტორიის დასაბომბად - იმ მიზნით, რომ კიევს მაქსიმალურად ძლიერი პოზიციები ჰქონდეს იმ დროისათვის, როცა რუსეთთან სავარაუდო მოლაპარაკებას დაწყებს“.
აშშ-ის ბევრი ოფიციალური პირი აღიარებს იმას, რომ რამდენიმე თვის შემდეგ უკრაინამ შეიძლება რუსეთთან მოლაპარაკება დაიწყოს ომის შეწყვეტის თაობაზე და რომ კიევი, ალბათ, იძულებული გახდება ტერიტორიული დათმობების საკითხიც განიხილოს.
ჯო ბაიდენის სწრაფვამ - რაც შეიძლება მეტად გაუწიოს დახმარება უკრაინას თავისი პრეზიდენტობის ვადის ამოწურვის წინ - განაახლა ის დისკუსიები, რომლებიც გარკვეულ ამერიკულ და ევროპულ წრეებში მიმდინარეობდა: „რატომ არ გაეწია კიევს დახმარება უფრო ადრე, როცა მისი მდგომარეობა შედარებით უკეთესი იყო და როცა უკრაინას მეტ წარმატებას მოუტანდა?“
როგორც აშშ-ის ყოფილი სპეცწარმომადგენელი უკრაინაში კურტ ვოლკერი ამბობს, პოზიციის ცვლილება „დიდი ხანია მომწიფებულია“ და რომ ბაიდენს შეეძლო თანამედროვე ძლიერი იარაღი უკრაინისათვის თავის დროზე მიეცა, რათა რუსეთი არ გათამამებულიყო: „კრემლმა თავის დაუსჯელად იგრძნო... რუსებმა კარგად იციან, რომ ჩვენ, დასავლელებს, ესკალაცია არ გვსურს და ამიტომ ისინი სიტუაციით სარგებლობენ - დარტყმებს აგრძელებენ და აღმაშფოთებლად იქცევიან“.
თეთრი სახლის ჩინოვნიკები ირწმუნებიან, რომ ჯო ბაიდენის გადაწყვეტილება ნაკარნახევია ბრძოლის ველზე შეცვლილი პირობებით და რომ სინამდვილეში პრეზიდენტმა უკრაინას უამრავი იარაღი მიაწოდა - ხშირად კიევის ლობირების გარეშეც.
ამერიკელი ჩინოვნიკების თქმით, აშშ-ის გადაწყვეტილებამ კიევისათვის ქვეითთა საწინააღმდეგო ნაღმების გადაცემის შესახებ თვალნათლივ აჩვენა ის, თუ რამდენად მწვავედ აფასებს და გადაუდებლად თვლის შექმნილ სიტუაციას თეთრი სახლი.
ომის განმავლობაში ჯო ბაიდენი შიშით ფიქრობდა, რომ თუ ამერიკა უკრაინის მიმართ დახმარებას გააფართოვებდა, მაშინ ვლადიმერ პუტინი სიტუაციის ესკალაციას მოახდენდა და ან ბირთვულ იარაღს გამოიყენებდა, ან ქიმიურს და ბიოლოგიურს. ამ საკითხის თაობაზე აშშ-ის პრეზიდენტის მრჩევლებს შორის გარკვეული უთანხმოება არსებობდა.
„უეჭველია, ყოველ მნიშვნელოვან საკითხში, რომელიც უკრაინისათვის ჯერ შორი მოქმედების რაკეტების ATACMS-ებისა და ავიაგამანადგურებელ F-16-ების გადაცემას, შემდეგ კი ამ რაკეტებით რუსეთის ტერიტორიის დაბომბვის უფლების მიცემას ეხებოდა, ჯო ბაიდენი მარტო იყო. მას არ სურდა ომის ესკალაცია გამოეწვია. მისი ხედვა ცივი ომის დროიდან იყო ჩამოყალიბებული, რომლის მიხედვით, ერთადერთი, რაც არ უნდა მოხდეს, ესაა აშშ-სა და რუსეთის პირდაპირი კონფრონტაცია“, - ამბობს ივო დაალდერი აშშ-ის ყოფილი ელჩი ნატოში.
მაგრამ ჯო ბაიდენის შიშების მიზეზი იყო ამერიკული სპეცსამსახურების მიერ პრეზიდენტისთვის მიწოდებული ცნობები. როგორც თეთრი სახლის ანონიმი თანამშრომლები ამბობენ, ანალიტიკოსები თვლიდნენ, რომ თუ უკრაინა ამერიკულ ძლიერ რაკეტებს გამოიყენებდა, მაშინ ვლადიმერ პუტინიც ადექვატურ პასუხს გასცემდა. საბოლოოდ, ჯო ბაიდენი მხოლოდ მას შემდეგ დათანხმდა ამერიკული რაკეტებით სარგებლობას, როცა კურსკის ოლქში ჩრდილოკორეელი ჯარისკაცევის თავმოყრის ამბები გაიგო.
უფრო ადრე აშშ-ის სახელმწიფო მდივანმა ენტონი ბლინკენმა ნატოს შტაბ-ბინაში ყოფნისას ბრიუსელში ვაშინგტონის ცენტრალური გზავნილი ჩაიტანა: „ჩვენ ყველაფერს გავაკეთებთ უკრაინის მდგომარეობის განსამტკიცებლად, სანამ დონალდ ტრამპი პრეზიდენტის უფლებამოსილების შესრულებას შეუდგება. და თქვენც იგივე უნდა გააკეთოთ“.
წყარო: https://www.washingtonpost.com/politics/2024/11/26/biden-ukraine-missiles-land-mines-negotiations/
