,
.png)
დედაქალაქის ქუჩებში წუხანდელი ღამიდან უწყვეტად მიმდინარეობს გზის გაწმენდის და ტექნიკური მარილის მოყრის სამუშაოები. კერძოდ, გაიწმინდა იპოდრომის გზა, მარჯვენა სანაპიროს გზის ნაწილი იუსტიციის სახლთან, თბილისის ზღვის მიმდებარე გზა, მარცხენა სანაპირო, აღმაშენებლის ხეივანი, ნუცუბიძის პლატო, ლისის ტბასთან მისასვლელი გზები, ნუცუბიძის პლატო, ჭავჭავაძის, წერეთლის, ვაჟა-ფშაველას, რობაქიძის, თამარ მეფის, მარშალ გელოვანის გამზირები, ვახუშტის ხიდთან და მარშალ გელოვანის გამზირზე მდებარე პანდუსები, მაჭავარიანის, მელიქიშვილის, ბარნოვის, პეტრიაშვილის, შანიძის, აბასთუმნის, ბაქრაძის, მუხრანის, ქავთარაძის, ცინცაძის, გურამიშვილის, ჟვანიას, ჯიქიას, ჩარგლის, გუდამაყრის, ქსნის, ბერძენიშვილის, რაზმაძის, არაყიშვილის, რიგის, ჯაფარიძის, ბერი გაბრიელ სალოსის, უნივერსიტეტის, გრიბოედოვის, კუტუზოვის, ქერჩის, თამარაშვილის, ბაქრაძის, თავხელიძის, რჩეულიშვილის, პუშკინის, ბოჭორმის, იალბუზის, მიცკევიჩის, საირმის, ქუთათელაძის, მცხეთის, აბაშიძის, მიშველაძის, მაყაშვილის ქუჩები, ასევე, თბილისს შემოერთებული ტერიტორიები: კოჯორი, ბეთანია, კიკეთი, სამადლო, წყნეთი, ტაბახმელა.
ტექნიკური მარილი დაიყარა მეტროს შესასვლელებში, მიწისქვეშა გადასასვლელებთან და ავტობუსის გაჩერებებზე.
აღნიშნული გზების ნაწილი გუშინაც გაიწმინდა. მათ შორის, აღმაშენებლის ხეივანი, კახეთის გზატკეცილი, აეროპორტის დასახლება, ლოტკინის დასახლება, თბილისის ზღვის მიმდებარე გზა, ფონიჭალა, ზაჰესის დასახლება, ვარკეთილი, მესამე მასივი, ლილოს დასახლება, ნუცუბიძის პლატო, ზემო ვაკე, ქეთევან წამებულის და დუმბაძის გამზირები, გობრონიძის, ნონეშვილის, ნოზაძის, გურიის, შენგელიას, ლიბანის, თამარაშვილის, მინდელის, ქერჩის, დადიანის, გურამიშვილის, ხუდადოვის, გახოკიძის, ჟღენტის, დოლიძის, პოლიტკოვსკაიას, ამაშუკელის, ბერიტაშვილის, ბელიაშვილის, მელიქიშვილის, კოსტავას ქუჩები.
გზებზე ჯამში 500 ტონამდე ტექნიკური მარილი დაიყარა. სამუშაოები დღის განმავლობაში გაგრძელდება.
აშშ-ის პრეზიდენტი დონალდ ტრამპი აცხადებს, რომ ნებისმიერი ქვეყანა, რომელიც ირანთან ბიზნესურთიერთობას აწარმოებს, აშშ-სთან ვაჭრობისას 25%-იან ტარიფს გადაიხდის. ტრამპის თქმით, გადაწყვეტილება „საბოლოო და შეუცვლელია“, ხოლო ტარიფები უკვე ამოქმედდა.
ტრამპმა განცხადება სოციალურ ქსელ Truth Social-ზე გაავრცელა, თუმცა არ დაუკონკრეტებია, რომელ ქვეყნებს შეეხება ახალი ტარიფები ან რას გულისხმობს „ირანთან ბიზნესის წარმოება“. მისივე თქმით, ზომა უკავშირდება ირანში შექმნილ ვითარებას, სადაც ბოლო წლების განმავლობაში ყველაზე მასშტაბური ანტისამთავრობო პროტესტი მიმდინარეობს.
bm.ge გთავაზობთ საქართველოსა და ირანის ვაჭრობის 11 თვის მონაცემებს.
2025 წლის იანვარ-ნოემბრის მონაცემებით, ირანთან სავაჭრო ბრუნვა $262.7 მილიონია. წლიურ ჭრილში ამ სახელმწიფოსთან ექსპორტ-იმპორტი 11.6%-ით შემცირდა. ოფიციალური სტატისტიკის მიხედვით, საქართველო-ირანის სავაჭრო სალდო უარყოფითია და ვაჭრობაში დიდ ძირითად ნაწილს იმპორტი იკავებს, ანუ საქართველო იმაზე მეტ საქონელს ყიდულობს ირანში, ვიდრე ყიდის.
2025 წლის 11 თვეში ექსპორტის მაჩვენებელი თითქმის 2024 წლის ანალოგიური პერიოდის ანალოგიური იყო და $32.8 მილიონს შეადგენდა. ირანში გადაზიდული საქონლის რეიტინგი კი ასეთია:
რაც შეეხება იმპორტს, იმპორტი გასული წლის 11 თვეში 13.1%-ით $229.8 მლნ-მდე შემცირდა. ირანიდან შეძენილი საქონლის რეიტინგი ასეთია:
ირანთან სავაჭრო ბრუნვამ ისტორიულ მაქსიმუმს 2024 წელს მიაღწია და $322 მლნ შეადგინა, რაც წლის ჭრილში 18.8%-იან ზრდას წარმოადგენდა. ირანთან ვაჭრობა ძირითადად იმპორტზე მოდის. 2024 წელს საქართველო-ირანის სავაჭრო ბრუნვაში ექსპორტი $36.9 მლნ იყო, ხოლო იმპორტი $285.1 მლნ.
წყარო:https://bm.ge/
