,
თელავში დღეს გამწვანების აქცია გაიმართა, რომლის ფარგლებშიც 80 კვიპაროზისა და 5-5 პავლოვნიისა და ჰიმალაური კედარის ნერგი დაირგო.
ახალმოწყობილ საკემპინგე ზონის გამწვანების აქციაში თელავის მუნიციპალიტეტის მერის მოადგილესთან, ნიკოლოზ მეტრეველთან ერთად, თელავის N2 საჯარო სკოლის მოსწავლეებმა მიიღეს მონაწილეობა.
დედამიწის დღე, უკვე 55 წელია, მსოფლიოში მრავალფეროვანი გარემოსდაცვითი ღონისძიებებით აღინიშნება. ცნობიერების ზრდასთან ერთად, იზრდება სამოქალაქო საზოგადოების აქტივობა და ჩართულობა. თელავის მუნიციპალიტეტში გამწვანებისა და დასუფთავების აქცია, „გრინ ფორ ჯორჯიასთან“ ერთად, უკვე მეოთხე წელია ეწყობა. გასულ წელს, თელავში, „გიგოს გორაზე“ 200-ზე მეტი სხვასხვა სახეობის ნერგი დაირგო.
22 აპრილს დედამიწის დღე აღინიშნება.
ქვეყნის მასშტაბით, სეზონური გრიპის საწინააღმდეგო ვაქცინაცია დაიწყო - აცრა, ყველა მოქალაქისთვის, უფასოდ იქნება ხელმისაწვდომი.
ჯანდაცვის სამინისტროს ცნობით, იმუნიზაციის სახელმწიფო პროგრამის ფარგლებში, საქართველომ, 200 000 დოზა ფრანგული წარმოების, ოთხკომპონენტიანი, (SANOFI WINTHROP INDUSTRIE-ის VaxigripTetra™) სეზონური გრიპის საწინააღმდეგო ვაქცინა შეიძინა, რომელიც ერთ-ერთია ჯანმოს მიერ რეკომენდებულ ვაქცინებს შორის.
„ვაქცინა მორგებულია იმ შტამებზე, რომელთა ცირკულაცია მოსალოდნელია გრიპის სეზონზე.
განსაკუთრებით მნიშვნელოვანია ვაქცინაცია მაღალი რისკის / ქრონიკული დაავადების მქონე პირებისთვის, რადგან ზოგიერთი ადამიანისთვის გრიპი შესაძლოა სახიფათო დაავადებად იქცეს.
აცრა ვაქცინაციის სერვისის მიმწოდებელ სამედიცინო დაწესებულებებსა და პოლიკლინიკებში 6 თვის ასაკიდანაა შესაძლებელი და ბენეფიციარებისთვის სრულად უფასოა”,- აღნიშნულია ინფორმაციაში.
დაწესებულებები იხილეთ ბმულზე: https://ncdc.ge/#/pages/file/87a090e3-e8de-4d08-adaf-aaf0cb8b7128
