,
საპარლამენტო უმრავლესობის წევრი დავით მათიკაშვილი „ნაციონალურ მოძრაობაში“ მიმდინარე პროცესებს ეხმაურება.
მისი თქმით, „ნაციონალურ მოძრაობას“ ელექტორალურ სექტორში პულსი აღარ გაესინჯება.
„დიდი არეულობაა „ნაციონალურ მოძრაობაში“, რაც მოსალოდნელიც იყო, რადგან პარტია მორჩა იმ პოლიტიკურ აქტივობას, რომელიც მაღალ ზღვარზე ერთ დროს არსებობდა, თუმცა დესტრუქციული შიგთავსით, რომელიც „ნაციონალურ მოძრაობას“ გააჩნია, წარმოუდგენელია ამ დესტრუქციულ რადიკალურ პოლიტიკურ ჯგუფს დიდხანს გაეძლო. ის პოლარიზებას საზოგადოებაში ცდილობდა, თუმცა ბუმერანგივით საკუთარ თავზე მიიღო. დღეს „კლანური დაპირისპირებაა შიგნით. იკვეთება ხაბეიშვილის და ოლიგარქ კეზერაშვილის სურვილები, თითქოს ერთი ფრონტით იბრძოლონ, იქ მელიას და კეზერაშვილის შეუთავსებლობაზეც არის საუბარი, გაურკვეველია, საერთოდ სააკაშვილი სურთ, თუ არ სურთ „ნაციონალურ მოძრაობაში“, რომ ლიდერად ჰყავდეთ. თავად სააკაშვილს, რა პოზიცია აქვს პარტიის მიმართ, რომლის ლიდერიც ერთ დროს იყო, ესეც გაუგებარია.
გასაგები არის ერთი, რაც არის ძალიან ნათლად გამოკვეთილი - ე.წ. ვირთხების რბოლაა დაწყებული „ნაციონალურ მოძრაობაში“, არის დაპირისპირება პირველობისთვის და როდესაც პოლიტიკურ ჭაობში იმყოფება ეს პარტია, რაც მეტს ცდილობს ამ ჭაობიდან ამოსვლას, მით მეტად იძირება და ეს ყველაფერი კიდევ უფრო კარგად გამოჩნდება, როცა მივუახლოვდებით 2024 წლის არჩევნებს, სადაც გამოჩნდება, რომ რეალურად ელექტორალურ სექტორში პულსი აღარ გაესინჯება ამ პარტიას და ამ ყველაფრის ნათელი მაგალითი არის სწორედ საკუთარ სამშობლოსადმი მტრული დამოკიდებულება, რომელიც მათ როგორც ქვეყნის შიგნით, ასევე ქვეყნის გარეთ გააჩნიათ“, - განაცხადა მათიკაშვილმა.
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
